«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ Եվրահանձնաժողովի կայքից
Եվրոպայում գործող սոցիալական մեդիայի հսկաները ստորագրել են օնլայն հարթակներում ատելության խոսքի դեմ պայքարի վերաբերյալ վարքականոնը: Տեղեկացնում է Եվրոպական հանձնաժողովը։
Վարքականոնը ստորագրել են Facebook-ը, Instagram-ը, TikTok-ը, YouTube-ը և LinkedIn-ը: Նպատակն է՝ խստացնել ատելության խոսքի դեմ պայքարի մեխանիզմները:
Եվրահանձնաժողովի ներկայացուցիչ Հեննա Վիրկունենը ընդգծել է՝ Եվրոպայում ատելության համար տեղ չկա:
«Ատելությունը և բևեռացումը սպառնալիք են ԵՄ արժեքներին և հիմնարար իրավունքներին: Ատելությունը և բևեռացումը թուլացնում են ժողովրդավարության կայունությունը։ Ինտերնետը ուժեղացնում է ատելության խոսքի բացասական ազդեցությունները»,- հայտարարել է Եվրահանձնաժողովի ներկայացուցիչը՝ պատրաստակամություն հայտնելով, որ կարվի հնարավորինս ամեն ինչ՝ ատելության խոսքի և հանցագործությունների դեմ պայքարելու համար։
Ըստ վարքականոնի, սոցիալական հարթակները պարտավոր են պատշաճ կարգով արձագանքել ատելության խոսքի վերաբերյալ հաղորդագրություններին և ատելություն պարունակող խոսքը հեռացնել 24 ժամում:
