Լուսանկարը՝ Ուկրաինայի նախագահի կայքից
Ուկրաինայի առաջին տիկին Օլենա Զելենսկան Նյու Յորքում ընթացող ՄԱԿ-ի գագաթաժողովին հասցեագրված տեսաուղերձի ժամանակ հայտնել է, որ Ռուսաստանի սանձազերծած պատերազմի պայմաններում շատ մեծ թվով հայտեր ունեն հեռավար կրթության խնդրանքով։
«Աննկարագրելի դժվար է երեխաների ուսումը կազմակերպել, երբ քո բնակավայրում թռչում են տարբեր զինատեսակներ։ Բայց ուկրաինացիները երբեք իրենց երեխաներին չեն զրկի կրթության իրավունքից, զարգացումից ու ապագայից»,- հայտարարել է Ուկրաինայի նախագահի տիկինը։
Օլենա Զելենսկան նշել է, որ կրթության ու գիտության, ՏՏ նախարարությունները, իր ղեկավարած հիմնադրամն ու միջազգային մի շարք գործընկերներ միավորվել են, որպեսզի համատեղ ջանքերով կարգավորեն (հեռավար) կրթության հարցերը։
Առաջին տիկինն ավելացրել է, որ անգամ պատերազմական պայմաններում շարունակում են կրթության ոլորտի բարեփոխումները։
Ի դեպ, նոյեմբերի 12-13-ը Կիևում նախատեսված է խորհրդաժողով, որի ընթացքում միջազգային փորձագետները քննարկելու են ժամանակակից դպրոցների վերաբերյալ հարցեր։
