Աշխատավորների միջազգային օրվա կապակցությամբ Կրթության միջազգային կազմակերպությունը կառավարություններին կոչ է անում ամենուր ապահովել արժանապատիվ պայմաններ՝ դասավանդողների համար։

Անհրաժեշտ ռեսուրսներով ապահովված, ներառական և մրցունակ հանրային կրթական համակարգերը նախապայման են մարդու իրավունքների, հավասարության և կյանքի որակի, խաղաղության, ժողովրդավարության, սոցիալական արդարության համար,- հայտարարել է Կրթության միջազգայն կազմակերպությունը։

Արդար, ներառական, ժողովրդավարական և կայուն ապագան անհնար է առանց կրթության վերաբերյալ պարզ և բովանդակալից պատկերացման,- ասել է Կրթության միջազգային կազմակերպության գլխավոր քարտուղար Դեյվիդ Էդվարդսը։