18-ամյա Լյուկ Հոլլը Միացյալ թագավորության երիտասարդական պալատում կոչ է արել հանրակրթական դպրոցներում երեխաներին ապահովել սննդով։ Գրում է BBC-ն։

Լյուկ Հոլլը պնդել է, որ երեխաները ճիշտ սնվելու դեպքում զերծ կլինեն ավելի վատթար հոգեկան խնդիրներից, դպրոցում կանեն հնարավորը ավելի լավ կրթվելու համար։

Կառավարությունը հավաստիացնում է, որ դպրոցականներին սննդով ապահովելու համար պետական միջոցները մի քանի անգամ ավելացել են 2010 թվականից ի վեր։

Մինչդեռ Լյուկ Հոլլը հակադարձել է, որ օրական 2.53 ֆունտ հատկացնելն ամենեւին էլ չի նշանակում, թե միջին դպրոցի երեխան կարող է նորմալ սնվել այդքան ծախսի դեպքում։