Նոր Զելանդիայի դպրոցներում սմարթֆոնների կիրառությունն օրենքով արգելելու արդյունքը դպրոցներում աշակերտների ուշադրության շեղումների կրճատումն է: Վկայակոչելով ամփոփված հարցումը՝ գրում է Independent պարբերականը:

Ամբողջ աշխարհում, այդ թվում՝ Ավստրալիայում, Ֆրանսիայում, Միացյալ թագավորությունում, Իտալիայում, Չինաստանում և ԱՄՆ մի շարք նահանգներում արգելված է էլեկտրոնային կրիչների կիրառությունը՝ դպրոցներում:

Երբ 2024-ի ապրիլին Նոր Զելանդիայում արգելվեց սմարթֆոնների կիրառատությունը, վարչապետ Քրիստափոր Լյուքսոնը հայտարարեց, որ ժամանակն է երեխաներին զերծ պահել ուշադրության շեղումներից, որպեսզի նրանք կարողանան ավելի լավ սովորել:

Բրիտանացի 1200 աշակերտի շրջանում անցկացված հարցման պատկերը ցույց է տալիս, որ աշակերտներից շատերը սմարթֆոնների արգելքի շնորհիվ սկսել են լավ սովորել: Ոմանք, սակայն, բողոքել են, որ այս օրենքը նրանց զրկում է հարկ եղած դեպքում ծնողների հետ կապ հաստատելուց:

Նոր Զելանդիայում անցկացված հարցումներին մասնակցած սովորողների 80 տոկոսը վկայել է, որ դպրոցում առհասարակ արգելված են սմարթֆոններն ու տարատեսակ էկրանները:

Independent-ը, անդրադառնալով արգելքների վերաբերյալ գնահատականներն, մեջբերում է մասնագետների համոզմունքը, որ միայն սմարթֆոնների արգելքով խնդիրները չեն լուծվի. անհրաժեշտ է ուսուցիչներին ու ծնղներին պատրաստել թվային դարաշրջանի սերնդին անհրաժեշտ գիտելիք տալու հարցում: