Մեծ Բրիտանիայում յուրահատուկ կրթական ծառայություններ մատուցող արտադասարանական կրթության համակարգում տեսչական մարմնի՝ Ofsted-ի վերջին ստուգմամբ պարզվել է՝ բաց երկնքի տակ գործող դպրոցն արդարացնում է սպասելիքները: Նման արդյունք արձանագրվել է արդեն երկրորդ անգամ:

Բնական միջավայրում կազմակերպված դասերի ստուգմամբ դրական արդյունքներ են արձանագրվել կրթության որակի, երեխաների անձնական զարգացման, վարքագծի և վերաբերմունքի ոլորտներում։

Տեսուչների գնահատմամբ, դպրոցի աշխատանքը աշակերտների հոգեկան առողջության վերաբերյալ գիտելիքների ձևավորման ուղղությամբ առանձնահատուկ ուժեղ կողմ է։ Աշակերտները սովորում են ճանաչել և կառավարել իրենց զգացմունքները։ Նրանք յուրացնում են հոգեկան առողջության բարելավման ռազմավարություններ և հասկանում, թե ինչպես օգնություն խնդրել դժվարության դեպքում։ Միևնույն ժամանակ, հաստատվել է, որ այս միջավայրը համապատասխանում է անկախ դպրոցների բոլոր չափանիշներին, իսկ այս գնահատականի հիմքում բնական միջավայրը նախընտրող աշխատակազմի նվիրումն ու քրտնաջան աշխատանքն է։

Դպրոցի տնօրեն Էյդրիան Ռոբերթսը նշել է․«Սկսած առաջին օրվանից՝ մեր առաքելությունը պարզ է եղել՝ ապահովել անվտանգ, հոգատար և ներշնչող միջավայր, որտեղ յուրաքանչյուր սովորող կարող է առաջընթաց ունենալ՝ անկախ այն դժվարություններից, որոնց բախվել է։ Մենք ապահովում ենք, որ մեր աշակերտները … զարգացնեն ապագայի համար անհրաժեշտ հմտություններ, վստահություն և ինքնուրույնություն»։

Այս դպրոցում գերակշռում է նախագծային աշխատանքը: Անտառային պայմաններում կազմակերպված դպրոցում ընդգրկվել է դեռ 100 սովորող, որոնք 7-16 տարեկան են։