
Լուսանկարը՝ Bmdrc.org-ի
ԱՄՆ Կոլումբիա նահանգում իրականացված հետազոտությունը փաստել է՝ ուղիղ կապ կա երեխաներին 3 – րդ դասարանից մաթեմատիկա սովորեցնելու և նրանց կյանքի հաջորդ փուլերում մտածողության որակի միջև։ Արձանագրվել է, որ 3 – րդ դասարանից բարձրակարգ մեթոդներով մաթեմատիկա սովորեցնելու արդյունքն ավելի նկատելի է, քան ընթերցանության դեպքում։ Սակայն, ըստ գիտնականների, երեխաները ոչ միշտ են ունենում բարձրակարգ մաթեմատիկայով տարվելու հիմքեր՝ կապված ուսուցիչների պատրաստվածության հետ։
Ավելի քան 20 տարի առաջ գիտական ուսումնասիրություններով պարզվել էր, որ մաթեմատիկայի որակյալ ուսուցումը խթանում է նաև ընթերցանության որակի բարձրացմանը, ճանաչողական գործառույթների զարգացմանը, հիշողության կենտրոնացման, որոշումներ կայացնելու կարողության, գործողությունների պլանավորման և իրականացման հմտության վրա։
Միջազգային գիտահետազոտական MDRC կազմակերպությունը, որը զբաղվում է կրթության, սոցիալական քաղաքականության և ծրագրերի արդյունավետության ուսումնասիրմամբ, պարզել է, որ վաղ տարիքից մաթեմատիկական գիտելիքներ ստանալը ապագայում դրական ազդեցություն է ունենում անգամ օտար լեզվի յուրացման վրա։ Եվ ոչ միայն։ Նաև տևական ուսուցման ունակություններ ձեռք բերելու հարցում, որն աշակերտի հաջողությունների գրավականն է։



























































