Օրերս Ստոկհոլմում կազմակերպված «Արքայազն Դանիելի վազքը» մարաթոնին մասնակցել է mediaforedu.am կայքի մանկական բաժնի ստեղծագործական խմբի ներկայացուցիչ Մարի Ավագյանը:

Մարին պատմում է, թե ինչպես է Շվեդիան խթանում առողջ ապրելակերպը, խրախուսում շարժումն ու սպորտը։ Բացի վազքից, երեխաները փորձել են տարբեր մարզաձևեր և մասնակցել են սպորտային խաղերին:

Միջոցառումները, ինչպես նաև սպորտային հագուստներն ու պարագաները ապահովվել են անվճար՝ երաշխավորելով բոլոր երեխաների մասնակցությունը: Միջոցառման ավարտին երեխաներն իրենց մեդալները ստացել են անձամբ Արքայազն Դանիել Ուեսթլինգից։