«Կրթության տեսչական մարմինը կարևորում է «Մեդիան հանուն կրթության» ՀԿ-ի նախաձեռնությունը, որի շրջանակում հոկտեմբերի 6-ին ներկայացվեցին Տավուշի մարզում արդեն երկրորդ տարին անցկացվող 9-րդ դասարանցիների ավարտական քննությունների՝ էսսեների ուսումնասիրության արդյունքները»,- իր պաշտոնական էջում գրել է Կրթության տեսչական մարմինը։

Ըստ հաղորդագրության, Կրթության տեսչական մարմնի ղեկավար Վաղարշակ Մատիկյանը առաջարկեց քարտեզագրել ներկայացված խնդիրները, հնարավորություն տալով համակարգված գնահատել դրանց ծավալը և բնույթը՝ հետագա վերահսկողական քայլերը արդյունավետ կազմակերպելու նպատակով։

Տեսչական մարմինը ընդգծում է, որ «պատրաստակամ է համագործակցել քաղաքացիական հասարակության ներկայացուցիչների հետ՝ կրթության ոլորտում առկա խնդիրների բացահայտման և լուծման ուղղությամբ՝ ապահովելով թափանցիկություն, արդյունավետություն և որակյալ կրթական գործընթաց»։