Ըստ «ՀՀ 2026 թվականի պետական բյուջեի մասին» օրենքի նախագծի՝ 2026 թվականին «Հանրակրթություն» ծրագրին նախատեսվում է հատկացնել 139․7 մլրդ դրամ 27 միջոցառումների իրականացնելու համար, որը 5․2% ավելի է 2025 թվականի հաստատված բյուջեից։

Հանրակրթության պետական նոր չափորոշիչի ներդրման տարվա՝ 2021 թվականի բյուջեի համեմատ, 2026 թվականի ծրագրի հատկացումը 40․5% ավելին է: 2024 թվականի բյուջեի հետ համեմատած՝ առկա է 10․3% -ի աճի հիմք։

2026 թվականի պետբյուջեի նախագիծը ենթադրում է, որ (եթե նախագիծը հաստատվի նույն տվյալներով) զգալի աճ կարձանագրվի միջնակարգ ընդհանուր հանրակրթության տողով՝ 13%, միջնակարգ մասնագիտացված հանրակրության միջոցառման գծով՝ 15%, հանրակրթական դպրոցների մանկավարժներին և դպրոցահասակ երեխաներին տրանսպորտային ծախսերի փոխհատուցման ծախսերը կավելանան 19․5%-ով, իսկ գյուղական բնակավայրերում մինչև 100 աշակերտ ունեցող պետական ուսումնական հաստատություններում դասավանդող ուսուցիչներին հավելավճարի սահմանման համար կհատկացվի 14․1%-ով ավելի ծախս։

Կրթական հաստատությունների աշակերտներին դասագրքերով և ուսումնական գրականությամբ ապահովման ուղղությամբ բյուջետային հատկացումը զգալիորեն կնվազի՝ 68․6%-ով: Բացի այդ՝ նվազում է նախատեսվում նաև կրթական հաստատություններին ուսումնամեթոդական նյութերով ապահովման գծով՝ 29․4%։

Ինչպես նախորդող տարիներին, 2026 թվականին նույնպես հիմնական ընդհանուր հանրակրթություն միջոցառումը ծրագրի ֆինանսավորման ամենամեծ մասն է կազմում՝ 39․2%։

2026 թ. պետական բյուջեի վերաբերյալ նախնական քննարկումները շարունակվում են խորհրդարանական հանձնաժողովներում:

Էլենա Հարությունյան

Ըստ «ՀՀ 2026 թվականի պետական բյուջեի մասին» օրենքի նախագծի՝ 2026 թվականին «Հանրակրթություն» ծրագրին նախատեսվում է հատկացնել 139․7 մլրդ դրամ 27 միջոցառումների իրականացնելու համար, որը 5․2% ավելի է 2025 թվականի հաստատված բյուջեից։

Հանրակրթության պետական նոր չափորոշիչի ներդրման տարվա՝ 2021 թվականի բյուջեի համեմատ, 2026 թվականի ծրագրի հատկացումը 40․5% ավելին է: 2024 թվականի բյուջեի հետ համեմատած՝ առկա է 10․3% -ի աճի հիմք։

2026 թվականի պետբյուջեի նախագիծը ենթադրում է, որ (եթե նախագիծը հաստատվի նույն տվյալներով) զգալի աճ կարձանագրվի միջնակարգ ընդհանուր հանրակրթության տողով՝ 13%, միջնակարգ մասնագիտացված հանրակրության միջոցառման գծով՝ 15%, հանրակրթական դպրոցների մանկավարժներին և դպրոցահասակ երեխաներին տրանսպորտային ծախսերի փոխհատուցման ծախսերը կավելանան 19․5%-ով, իսկ գյուղական բնակավայրերում մինչև 100 աշակերտ ունեցող պետական ուսումնական հաստատություններում դասավանդող ուսուցիչներին հավելավճարի սահմանման համար կհատկացվի 14․1%-ով ավելի ծախս։

Կրթական հաստատությունների աշակերտներին դասագրքերով և ուսումնական գրականությամբ ապահովման ուղղությամբ բյուջետային հատկացումը զգալիորեն կնվազի՝ 68․6%-ով: Բացի այդ՝ նվազում է նախատեսվում նաև կրթական հաստատություններին ուսումնամեթոդական նյութերով ապահովման գծով՝ 29․4%։

Ինչպես նախորդող տարիներին, 2026 թվականին նույնպես հիմնական ընդհանուր հանրակրթություն միջոցառումը ծրագրի ֆինանսավորման ամենամեծ մասն է կազմում՝ 39․2%։

2026 թ. պետական բյուջեի վերաբերյալ նախնական քննարկումները շարունակվում են խորհրդարանական հանձնաժողովներում:

Էլենա Հարությունյան