«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ ԵՄԱ կայքից
Հայաստանի ԶԼՄ-ների էթիկայի Դիտորդ մարմինը լրատվամիջոցներին հորդորում է հարգել նախօրեին սպանված Փարաքար համայնքի ղեկավար Վալոդյա Գրիգորյանի հարազատների վիշտը և զերծ մնալ այս օրերին նրա հարազատների տնից իրականացվող ռեպորտաժներից ու հարցազրույցներից։
Դիտորդ մարմնի տարածած հաղորդագրության մեջ նշված է. «Արդեն իսկ եղած նմանատիպ հրապարակումների շուրջ բավականին անառողջ մթնոլորտ է ձևավորվել, որը վնաս է հասցնում լրագրողի մասնագիտական համբավին։
Առանց մեդիայի էթիկական նորմերի հետ համապատասխանությանն առնչվող մանրամասների մեջ մտնելու՝ կոչ ենք անում հատկապես ԶԼՄ-ների ինքնակարգավորման նախաձեռնությանը միացած ու էթիկայի Կանոնագիրը ստորագրած «Ժողովուրդ» օրաթերթին և ArmLur.am կայքին՝ հեռացնել հրապարակված վերոհիշյալ տեսանյութերը և հնարավորինս կանխել դրանց տարածումը»։
ՀՀ Լրատվամիջոցների և լրագրողների էթիկական սկզբունքների կանոնագիրը սահմանում է սկզբունք՝ հարգանք մարդկանց անձնական կյանքի և այլ իրավունքների նկատմամբ: 4.6 կետից դժվար չէ հասկանալը, որ լրագրողները պետք է «ողբերգություն կամ վիշտ տարած մարդկանց մասին տեղեկություններ հավաքելիս, հարցազրույց կամ լուսանկար հրապարակելիս, տեսա կամ ձայնանյութ հեռարձակելիս նրբանկատ լինել նրանց նկատմամբ»։
