Լուսանկարը՝ «Մեդիան հանուն կրթության» ՀԿ-ի
«Մեդիան հանուն կրթության» ՀԿ համահիմնադիրներն ու համախոհները մարտի 23-ից Նոր Հաճնում անցկացրին ստեղծագործական 6 հանդիպում՝ արցախցի երեխաների ու նրանց ընկերների հետ։ Հանդիպումներն ամփոփվեցին ապրիլի 13-ին։
Նոր Հաճնում անցկացված ծրագրին մասնակցեց ավելի քան 80 երեխա ու ծնող։
Երեխաները լսեցին հեքիաթներ, պատրաստեցին տիկնիկներ, ստվերների թատրոնի ատրիբուտները, սովորեցին կրկեսային գնդակ գցել, պատկերազարդեցին բնական քարերը, զբաղվեցին կարևոր գիտելիքներ փոխանցող սեղանի խաղերով։
«Մեդիան հանուն կրթության» ՀԿ համահիմնադիրների ու համախոհների նմանատիպ հանդիպումների հաջորդ փուլը կլինի Արարատի մարզում։
Ծրագիրն իրականացվում է Ֆրիդրիխ Էբերտ հիմնադրամի ֆինանսական աջակցությամբ։
