ԿԳՄՍՆ-ն պարզաբանում է՝ շրջանցելով ցուցանիշները

ՀՀ ԿԳՄՍ նախարարությունն արձագանքելով PISA 2025 (Programme for International Student Assessment) միջազգային հետազոտության զեկույցին և հանրային հարթակներում հրապարակված տարբեր գնահատականներին՝ հայտարարում է․ «PISA հետազոտության արդյունքները փաստում են՝ կրթության բարեփոխումներն ընթանում են ճիշտ ուղղությամբ։ Հետազոտության արդյունքները մի կողմից բացահայտում են Հայաստանի կրթական համակարգում առկա խնդիրները, մյուս կողմից՝ փաստում, որ ոլորտում մեկնարկած բարեփոխումներն ընթանում են ճիշտ ուղղությամբ»։

Արդեն երկրորդ հաղորդագրությամբ նախարարությունը հարկ է համարում ընդգծել, որ Հայաստանն առաջին անգամ է մասնակցում հետազոտությանը և բացատրում նպատակը․ «PISA հետազոտությանը Հայաստանի մասնակցությունը կրթության ոլորտում պետական քաղաքականության կարևոր նպատակներից է, քանի որ այն, ինչպես մնացած արտաքին գնահատումները, լավ հնարավորություն է արձանագրելու արդյունքները, խնդիրները՝ այդկերպ նաև չափելի դարձնելով բարեփոխումների ազդեցությունը՝ համադրելով այլ երկրների ցուցանիշների հետ»։

Սակայն, հաղորդագրության մեջ հստակ չեն նշվում Հայաստանի կրթական համակարգի վերաբերյալ տրված գնահատականները, որոնք բխում են փաստացի հետազոտության արդյունքներից։

ԿԳՄՍ նախարարությունը հատուկ ընդգծում է, որ Հայաստանի սովորողների առավել ընդգծված ուժեղ կողմերն են՝

Նախարարությունն ընդգծում է՝ կարևոր է նկատի ունենալ, որ գնահատմանը մասնակցած սովորողները հիմնականում կրթություն են ստացել հանրակրթության նախորդ չափորոշչով։ «Այս իմաստով, ստացված արդյունքները կարող են դիտարկվել ելակետային տվյալներ, որոնք հետագայում հնարավոր կլինի համադրել նոր չափորոշչի ներդրումից և ընթացող մյուս բարեփոխումներից հետո արձանագրվող արդյունքների հետ՝ դիտարկելով կրթության որակի դինամիկան», – բացատրում է ՀՀ ԿԳՄՍ նախարարությունը և քաղաքական գնահատական տալիս կրթության վերաբերյալ հարցերին․ «PISA հետազոտության արդյունքները փաստում են՝ կրթության բարեփոխումներն ընթանում են ճիշտ ուղղությամբ»։

Ապա պաշտոնական տեքստում թվարկվում է վերջին տարիներին արվածը այնպես, ինչպես արվում էր նախընտրական շրջանում՝

Ի դեպ, սեպտեմբերի 8–ին նախարար Ժաննա Անդրեասյանը հավաստիացրել էր․ «Այս տվյալները մեզ համար ելակետային են. դրանք ցույց են տալիս իրավիճակն այնպիսին, ինչպիսին այն եղել է մինչև նոր չափորոշչի ամբողջական ներդրումը։ Հույս ունեմ, որ չորս տարի հետո արդեն կկարողանանք տեսնել նոր չափորոշչի ազդեցությունը և արդյունքների փոփոխությունը»։

Վերադառնալով նախարարության հաղորդագրությանը՝ ընդգծենք, որ միայն պաշտոնական տեքստի ամփոփման հատվածում է նախարարությունն ընդգծում․ «Արդյունքներն, անշուշտ, գոհացուցիչ չեն. դրանք փաստում են խնդիրների մասին»։ Եվ նույն նախադասության մեջ կրկին վերադառնում պաշտոնական ոճին հատուկ ձևակերպումների․ « ․․․ իսկ չդադարող բարեփոխումներն ավելի որակյալ կրթության համակարգ ունենալու մասին են»։ Եվ այս դեպքում էլ, ինչպես նախորդ օրը, նախարարությունը շարունակում է չհատկորոշել խնդիրները՝ դրանց մասին վկայող կոնկրետ ցուցանիշներով։ Խոսքը այն ցուցանիշների մասին է, որոնց շուրջ արդեն երրորդ օրն է՝ հանրային հախուռն քննարկումը շարունակվում է

Իսկ ինչպե՞ս են այս նույն զեկույցին պաշտոնական մակարդակով արձագանքում այլ երկրներում՝ հաջորդիվ։