Արաքսյա Սվաջյանը՝ Մասնկավարժականի ռեկտորի ժ/պ

ԿԳՄՍ նախարար, Խ. Աբովյանի անվան հայկական պետական մանկավարժական համալսարանի հոգաբարձուների խորհրդի նախագահ Ժաննա Անդրեասյանը հոկտեմբերի 19–ին բուհի գիտխորհրդի արտահերթ նիստում ներկայացրել է համալսարանի ռեկտորի նորանշանակ ժամանակավոր պաշտոնակատար Արաքսիա Սվաջյանին։ Վերջինս այդ պաշտոնում առաջադրվել է ՀՊՄՀ հոգաբարձուների խորհրդի արտահերթ նիստում անցկացված քվեարկությամբ։

ԿԳՄՍ նախարարության պաշտոնական հաղորդագրության համաձայն, նախարարը ընդգծել է, որ Մանկավարժական համալսարանը և նախարարությունը շարունակելու են համագործակցել՝ նպատակային թիրախ ունենանալով մանկավարժական կրթության բարելավումն ու ոլորտի բարեփոխումները։ Ժաննա Անդրեասյանը, ըստ հաղորդագրության, նշել է, որ Արաքսիա Սվաջյանն ունի Մանկավարժական համալսարանում դասախոսական և հետազոտական աշխատանքի երկարամյա փորձ, նախադպրոցական կրթության համակարգում ծավալել է հետազոտական գործունեություն։ «ԿԳՄՍ նախարարությունում աշխատելու տարիներին ևս նա շարունակել է կապ պահել համալսարանի հետ՝ դասավանդելով և լինելով հոգաբարձուների խորհրդի անդամ։

ՀՊՄՀ ռեկտորի նորանշանակ ժամանակավոր պաշտոնակատար, մանկավարժական գիտությունների թեկնածու, դոցենտ Արաքսիա Սվաջյանը առանձնացրել առաջիկա աշխատանքների 3 հիմնական ուղղություն՝ բուհական կրթության որակի բարելավում, հանրակրթության և նախադպրոցական կրթության ոլորտներում իրականացվող աշխատանքների շարունակություն, ինչպես նաև հետազոտական գործունեության զարգացում։

«Նշված ուղղություններով համալսարանն ունի մեծածավալ աշխատանք կատարելու անհրաժեշտություն: Վստահ եմ՝ մեզ բարդ, բայց արդյունավետ ճանապարհ է սպասվում»,- ըստ ԿԳՄՍ հաղորդագրության, ասել է արաքսյա Սվաջյանը։