Վարչապետ․ Հեղափոխություն է պետք դպրոցներում

ՀՀ վարչապետ Նիկոլ Փաշինյանը Կառավարության այսօրվա նիստի ժամանակ հայտարարեց․ «դպրոցները դարձել էին կոռուպցիայի դասավանդման թիվ մեկ աղբյուր երկար տարիներ ՀՀ–ում։ Մինչև էսօր մեր դպրոցներում տնօրեններ և ուսուցիչներ կան, որ էնպիսի գաղափարներ են դասավանդում, տգիտություն են դասավանդում դպրոցներում»։

ՀՀ վարչապետ Նիկոլ Փաշինյանը բացահայտեց, որ ընտրություններից հետո նախարարի առջև խնդիր է դրել․ «Ասել եմ՝ էդ ամբողջ մասսային պետք ա դուրս հանել դպրոցներից, ինձ չեն հետաքրքրում բացատրությւոններ։ Տգետ տնօրեններ պետք է հանվեն աշխատանքից։ Իսկ որ տասնյակ են դրանք, մեղմ եմ ասում, ինձ համար ակնհայտ ա։ Սրա համար եմ ասում՝ հեղափոխություն է պետք»։

Հանրակրթական դպրոցներին անդրադարձի թեման բացվեց նորակառույց կրթահամալիրներ տանող ճանապարհների նորոգման առիթով։

Վարչապետը դժգոհելով հանրակրթության որակից՝ վկայակոչեց PISA 2025 զեկույցում Հայստանի վերաբերյալ գնահատականներին՝ ուշադրություն հրավիրելով անցած տասնամյակներում դպրոցներում տիրող իրավիճակի վրա։

Ո՞նց է սովորեցնում

ՀՀ Վարչապետ Նիկոլ Փաշինյանը կառավարության նիստի ընթացքում դժգոհեց նաև դպրոցի ամբողջական ենթակառուցվածքի բացակայությունից․ «Չի լինում դպրոց առանց ֆիզկուլտուրայի դահլիճի, չի լինում դպրոց առանց ֆիզիկայի, չի լինում դպրոց առանց քիմիայի լաբորատորիայի։ Դեպքեր կան, ֆիզիկայի, քիմիայի, կենսաբանության ուսուցիչները սարքեր տեսել են իրենց աշակերտ ժամանակ կամ նույնիսկ աշակերտ ժամանակ չեն տեսել, բա էդ ուսուցիչը ոնց է սովորեցնում, որ իր սովորեցրածը համաշխարհային ստանդարտի բան լինի»։

Վարչապետը անդրադարձավ «մինիմում 700 դպրոց պտի կառուցենք, որ կարողանանք ասել շատ թե քիչ հասանելիություն ենք ապահովել մեր երեխաներին՝ կրթությանը։ Դա հլա մենակ ֆիզիկական ենթակառուցվածքի մասին ա խոսքը։ Եվ էդպես շարունակ։ Եվ սա ևս մի փաստ ա, որ մենք ճշգրիտ ենք գնահատել իրավիճակը և ճշգրիտ որոշումներ ենք կայացրել»։