Ինչո՞ւ է կարևոր պատկերացնել 2050 թ. մանկությունը: Այս հարցին ի պատասխան «Մանկության ապագան՝ փոփոխվող աշխարհում» զեկույցում UNICEF-ը գրում է. «Այս հարցի պատասխանը կարող է տալ առաջին նմանատիպ զեկույցը, որը հրապարակվել էր 1980 թ.-ին»:

UNICEF-ի գործադիր տնօրեն Ջեյմս Գրանտը դեռ այն ժամանակ էր մեկնաբանել, որ անչափ կարևոր է հաշվի առնել, թե ապագայում ինչ փոփոխություններ են սպասվում և ինչ է պետք անել երեխաների համար առավել նպաստավոր միջավայրի ապահովման համար:

1980 թ. հրապարակված զեկույցի բովանդակությունը վերաբերում էր մինչև 2000 թ. համաշխարհային փոփոխություններին: Հենց դրանով էլ 2-րդ զեկույցի հեղինակները կարևոր են համարում մինչև 2050-ի մանկության հնարավոր խնդիրներին անդրադառնալը՝ պնդելով, որ 2050 թ.-ը շատ ավելի տարբեր է լինելու այսօրվա մանկության պայմաններից:

UNICEF-ը վստահ է, որ 2010 թ.-ին անհամեմատ ավելի շատ երեխաներ են լինելու Աֆրիկայում:

Ըստ զեկույցի, անցյալ դարի ամենամեծ ձեռքբերումներից է կրթության հնարավորություն ստացած երեխաների թվի աճը: Ակնկալվում է այս միտումը պահել մինչև 2050 թ.-ը:

Սակայն զեկույցում նշվում է, որ աշխարհում կա 44 միլիոն ուսուցչի կարիք: Որակյալ կրթության ապահովման համար ուսուցիչների վերապատրաստումներն ու նրանց աշխատանքի ընդունելը խիստ կարևոր գործոն է: