Այս տարի 6000 ուսուցչից այս պահի դրությամբ 543-ը գնահատվել է որպես տարրական մակարդակում վերապատրաստման կարիք ունեցող, հետևաբար նրանք կմասնակցեն կամավոր ատեստավորմանը: Այսօր կառավարության հերթական նիստի ժամանակ ասել է ԿԳՄՍ նախարար Ժաննա Անդրեասյանը։ Նրա խոսքով, մյուս ուսուցիչներին, որոնք հետազոտող և վերապատրաստող են, կախված իրենց գնահատման մակարդակից՝ 3-րդ կամ 4-րդ, կտրամադրվի այլ կարգի աջակցություն, օրինակ՝ համաժողովների մասնակցություն, սեփական հետազոտական աշխատանքների իրականացում և այլն:

Ժաննա Անդրեասյանը տեղեկացրել է, որ վերապատրաստումն իրականացնելու է 24 երաշխավորված կազմակերպություն և անկախ նրանից, թե որ կազմակերպություն է վերապատրաստել, դրա արդյունքը գնահատվելու է կենտրոնացված՝ գնահատելու գործընթացի արդյունավետության աստիճանը:

Այսօր նիստում փոփոխություններ և լրացումներ են կատարվել հանրակրթական հիմնական ծրագրեր իրականացնող ուսումնական հաստատության՝ հերթական ատեստավորման ենթակա ուսուցիչների վերապատրաստման կարգում:

Հարցը զեկուցելիս նախարար Ժաննա Անդրեասյանը ընդգծել է, որ կրթության ոլորտում ՀՀ կառավարության ռազմավարության ամենակարևոր ուղղություններից է որակյալ կրթության հասանելիության ապահովումը, որի նպատակով առանցքային է ուսուցչի մասնագիտական զարգացման արդյունավետ համակարգ ունենալը, որն էլ իր հերթին խթանում է ուսուցիչների մասնագիտական որակների շարունակական բարելավումը՝ դրանով իսկ նպաստելով ավելի որակյալ դասավանդմանը:

«Այս ուղղությամբ կարևորագույն բարեփոխում էր ուսուցիչների պարտադիր վերապատրաստման համակարգի լավարկումը, որով բոլոր ուսուցիչներին մեկ միասնական ծրագրով վերապատրաստման համակարգը փոխարինվել է ըստ գնահատված կարիքի վերապատրաստման համակարգով: Նոր մոտեցմամբ յուրաքանչյուր ուսուցիչ նախևառաջ ինքն է գնահատում իր մասնագիտական զարգացման կարիքները, այնուհետև այդ գնահատումն իրականացնում է դպրոցը»,-ասել է նախարարը:

Նրա խոսքով՝ այս փոփոխությունների արդյունքում շատ ավելի հստակ է դառնում ուսուցչի վերապատրաստման պարբերականության որոշման հարցը. ընդ որում՝ շրջափուլն ավելի կարճ է՝ 1 տարի, եթե առկա են ավելի տարրական մակարդակի հմտություններ և կարողություններ, և ավելի երկար է՝ մինչև 5 տարի, երբ ուսուցիչն ավելի փորձառու է և ունի բարձր որակի հմտություններ:

Ժաննա Անդրեասյանը տեղեկացրել է, որ նախագծով հստակեցվել են նաև կարիքի գնահատման պարագայում առարկայական գիտելիքի իմացության բարելավման կարիք ունեցող ուսուցիչների վերապատրաստման և այնուհետև կամավոր ատեստավորման եղանակով առարկայական գիտելիքի ստուգմանը մասնակցելու դրույթները: Այդ ուսուցիչների համար հերթական ատեստավորումը նույնանում է կամավոր ատեստավորման գործընթացի հետ: «Սա նշանակում է, որ եթե ուսուցչի կարիքը գնահատվել է առարկայական գիտելիքի իմացության ուղղությամբ, ապա պարտադիր է, որ նա առարկայական գիտելիքի վերապատրաստում անցնի և այնուհետև մասնակցի կամավոր ատեստավորման գործընթացին»,-մանրամասնել է նախարարը:

Ժաննա Անդրեասյանը հայտնել է, որ նոր կարգով հստակեցվել է նաև սկսնակ, այսինքն՝ մինչև 5 տարվա փորձառություն ունեցող ուսուցիչների կարիքների գնահատման և վերապատրաստման դրույթը, որով այս խմբի ուսուցիչներին ավելի թիրախային աջակցություն է ցուցաբերվելու: Հստակեցվել են նաև վերապատրաստման արդյունավետության և մոնիթորինգի ընթացակարգերը, այդ թվում՝ դպրոցների տնօրենների կողմից. «Կարևոր է, որ այս գործընթացը կապվում է նաև տնօրենների ատեստավորման համակարգի հետ, որը նույնպես ներդրման փուլում է: Հստակեցվել են նաև մի շարք այլ դրույթներ, որոնք ավելի միանշանակ են դարձնում կարգի կիրառությունը»:

Այս տարի 6000 ուսուցչից այս պահի դրությամբ 543-ը գնահատվել է որպես տարրական մակարդակում վերապատրաստման կարիք ունեցող, հետևաբար նրանք կմասնակցեն կամավոր ատեստավորմանը: Այսօր կառավարության հերթական նիստի ժամանակ ասել է ԿԳՄՍ նախարար Ժաննա Անդրեասյանը։ Նրա խոսքով, մյուս ուսուցիչներին, որոնք հետազոտող և վերապատրաստող են, կախված իրենց գնահատման մակարդակից՝ 3-րդ կամ 4-րդ, կտրամադրվի այլ կարգի աջակցություն, օրինակ՝ համաժողովների մասնակցություն, սեփական հետազոտական աշխատանքների իրականացում և այլն:

Ժաննա Անդրեասյանը տեղեկացրել է, որ վերապատրաստումն իրականացնելու է 24 երաշխավորված կազմակերպություն և անկախ նրանից, թե որ կազմակերպություն է վերապատրաստել, դրա արդյունքը գնահատվելու է կենտրոնացված՝ գնահատելու գործընթացի արդյունավետության աստիճանը:

Այսօր նիստում փոփոխություններ և լրացումներ են կատարվել հանրակրթական հիմնական ծրագրեր իրականացնող ուսումնական հաստատության՝ հերթական ատեստավորման ենթակա ուսուցիչների վերապատրաստման կարգում:

Հարցը զեկուցելիս նախարար Ժաննա Անդրեասյանը ընդգծել է, որ կրթության ոլորտում ՀՀ կառավարության ռազմավարության ամենակարևոր ուղղություններից է որակյալ կրթության հասանելիության ապահովումը, որի նպատակով առանցքային է ուսուցչի մասնագիտական զարգացման արդյունավետ համակարգ ունենալը, որն էլ իր հերթին խթանում է ուսուցիչների մասնագիտական որակների շարունակական բարելավումը՝ դրանով իսկ նպաստելով ավելի որակյալ դասավանդմանը:

«Այս ուղղությամբ կարևորագույն բարեփոխում էր ուսուցիչների պարտադիր վերապատրաստման համակարգի լավարկումը, որով բոլոր ուսուցիչներին մեկ միասնական ծրագրով վերապատրաստման համակարգը փոխարինվել է ըստ գնահատված կարիքի վերապատրաստման համակարգով: Նոր մոտեցմամբ յուրաքանչյուր ուսուցիչ նախևառաջ ինքն է գնահատում իր մասնագիտական զարգացման կարիքները, այնուհետև այդ գնահատումն իրականացնում է դպրոցը»,-ասել է նախարարը:

Նրա խոսքով՝ այս փոփոխությունների արդյունքում շատ ավելի հստակ է դառնում ուսուցչի վերապատրաստման պարբերականության որոշման հարցը. ընդ որում՝ շրջափուլն ավելի կարճ է՝ 1 տարի, եթե առկա են ավելի տարրական մակարդակի հմտություններ և կարողություններ, և ավելի երկար է՝ մինչև 5 տարի, երբ ուսուցիչն ավելի փորձառու է և ունի բարձր որակի հմտություններ:

Ժաննա Անդրեասյանը տեղեկացրել է, որ նախագծով հստակեցվել են նաև կարիքի գնահատման պարագայում առարկայական գիտելիքի իմացության բարելավման կարիք ունեցող ուսուցիչների վերապատրաստման և այնուհետև կամավոր ատեստավորման եղանակով առարկայական գիտելիքի ստուգմանը մասնակցելու դրույթները: Այդ ուսուցիչների համար հերթական ատեստավորումը նույնանում է կամավոր ատեստավորման գործընթացի հետ: «Սա նշանակում է, որ եթե ուսուցչի կարիքը գնահատվել է առարկայական գիտելիքի իմացության ուղղությամբ, ապա պարտադիր է, որ նա առարկայական գիտելիքի վերապատրաստում անցնի և այնուհետև մասնակցի կամավոր ատեստավորման գործընթացին»,-մանրամասնել է նախարարը:

Ժաննա Անդրեասյանը հայտնել է, որ նոր կարգով հստակեցվել է նաև սկսնակ, այսինքն՝ մինչև 5 տարվա փորձառություն ունեցող ուսուցիչների կարիքների գնահատման և վերապատրաստման դրույթը, որով այս խմբի ուսուցիչներին ավելի թիրախային աջակցություն է ցուցաբերվելու: Հստակեցվել են նաև վերապատրաստման արդյունավետության և մոնիթորինգի ընթացակարգերը, այդ թվում՝ դպրոցների տնօրենների կողմից. «Կարևոր է, որ այս գործընթացը կապվում է նաև տնօրենների ատեստավորման համակարգի հետ, որը նույնպես ներդրման փուլում է: Հստակեցվել են նաև մի շարք այլ դրույթներ, որոնք ավելի միանշանակ են դարձնում կարգի կիրառությունը»: