«Մեդիան հանուն կրթության» ՀԿ համահիմնադիրներն ու համախոհները մայիսի 11-ին «Ստեղծագործարան» հանդիպումն անցկացրին Մարմարաշենում։ Արցախցի երեխաներն իրենց ընկերների հետ շփվեցին դպրոցական առօրյայից տարբերվող մթնոլորտում։

Երեխաները գեղարվեստի խմբակներում շփվեցին, ընկերացան, բացահայտեցին նոր տաղանդներ ու շնորհներ։

«Մեդիան հանուն կրթության» ՀԿ համահիմնադիրներն ու համախոհները նկատում են ոչ ֆորմալ կրթության պակասը, միևնույն ժամանակ երեխաների շատ մեծ հետաքրքրվածությունը։ Մարմարաշենում երեկ ստեղծագործարանին միացավ ավելի քան 60 երեխա (սպասվածի կրկնակին)։