Դանիայի ուսանողները դեմ են նպաստների կրճատմանը

Դանիայի 57 դպրոցի շուրջ 40 հազար սովորող չորեքշաբթի սկսել է բողոքի ակցիաներ՝ դժգոհելով ուսանողական նպաստները կրճատելու կառավարական ծրագրից։ Գործադիր իշխանությունը մշակել է օրինագիծ, որը ենթադրում է վերացնել միջինից բարձր եկամուտ ունեցող ծնողների ուսանող զավակների կրթաթոշակները։

Եվրանյուզը հաղորդում է, որ տասնյակ ուսանողական կազմակերպությունների ներկայացուցիչներ Կոպենհագենի քաղաքապետարանի հրապարակից երթով շարժվել են դեպի խորհրդարան։ «Բավական է» կարգախոսով պաստառներով նրանք դատապարտել են առաջարկվող կրճատումները, որոնց նպատակն է ազատված միջոցներն ուղղել պաշտպանության ծախսերին։

Վերջին շաբաթներին Ֆրանսիայում սկսված ուսանողական ցույցերը տարածվել է նաև եվրոպական այլ երկրներում։ Դանիայում գործադուլին միացել է աշակերտ։

Ուսանողները անընդունելի են համարում «աշխարհի ամենաուժեղ կրթական համակարգերից մեկը» «քանդելու» կառավարական որոշումը։

Դանիական կառավարությունը վստահ է՝ տարեկան 700 հազար դանիական կրոնը (մոտ 94 հազար եվրո) եկամուտ ունեցող ծնողները ի վիճակի են պահել իրենց հետ ապրող ուսանող զավակներին։

Կառավարության առաջարկով՝ նպաստի չափը կնվազի նաև այն ուսանողների համար, որոնց ծնողների տարեկան եկամուտը 419 հազար դանիական կրոն է (մոտ 56 հազար եվրո)։

2026 թվականին Դանիայում մեկ չափահասի միջին տարեկան համախառն եկամուտը գնահատվում է 434 հազար կրոն (մոտ 58 հազար եվրո), իսկ բնակչության ամենահարուստ 10 տոկոսի եկամուտը՝ տարեկան 920 հազար կրոն (մոտ 123 հազար եվրո)։

14 հազար ուսանողի փողը

Բարձրագույն կրթության նախարարության տվյալներով՝ օրինագծի ընդունման դեպքում մոտ 14 հազար ուսանող ամբողջությամբ կզրկվի պետական նպաստից, ևս մոտ 8 հազարի համար դրա չափը կնվազի։

1970 թվականից գործող համակարգը Դանիայի հավասար հնարավորություններ ապահովող բարձրագույն կրթության համակարգի հիմնասյուներից է։

Ներկայումս ծնողների հետ ապրող ուսանողները ամսական ստանում են 154 եվրոյին համարժեք դանիական կրոն, իսկ առանձին բնակվողները՝ 993 եվրոյի չափով։