ԵԽ–ի առաջարկներն ընդդեմ բացակայությունների

Եվրոպայում դպրոցական բացակայությունները հասել են մտահոգիչ մակարդակի․ Եվրոպայի խորհուրդը (ԵԽ) կոչ է անում անհապաղ քայլեր ձեռնարկել։

Ըստ ԵԽ Տեղական և տարածքային իշխանությունների կոնգրեսի «Բաց թողնված կրթությունը․ Եվրոպայի համայնքներում դպրոցական բացակայությունների դեմ պայքարը» զեկույցի՝ COVID-19 համավարակից հետո բազմաթիվ երկրներում դպրոցական բացակայությունները զգալիորեն աճել են։ Դա, ըստ ԵԽ–ում տեղի ունեցած քննարկման ժմասնակիցների, վտանգում է սովորողների կրթական արդյունքները, հոգեկան առողջությունը, սոցիալական հմտությունների զարգացումն ու ապագա աշխատանքային հնարավորությունները։ Բացի այդ, խնդիրը կարող է խորացնել եվրոպական տնտեսություններին անհրաժեշտ հմտություններ ունեցող աշխատուժի պակասը։

Նորվեգիայի ներկայացուցիչ Անիտա Սոլլին կարևորել է դպրոցական բացակայությունների միասնական եվրոպական սահմանման ընդունումը և հաճախումների վերաբերյալ համադրելի տվյալների հավաքագրումը։ Նրա գնահատմամբ՝ դա դպրոցներին և իշխանություններին թույլ կտա ավելի հստակ պատկերացում կազմել խնդրի մասին և արդյունավետ միջոցներ ձեռնարկել։

Կոչ

Կոնգրեսն ընդգծում է, որ կրթությունը մարդու իրավունք է, իսկ կրթության արդյունավետ հասանելիության ապահովումն ու դպրոց կանոնավոր հաճախելու խրախուսումը բխում են Եվրոպայի խորհրդի՝ մարդու իրավունքների պաշտպանության չափանիշներից։

Կոնգրեսը 46 անդամ պետությունների իշխանություններին կոչ է անում գործել կառավարման բոլոր մակարդակներում։

Մասնավորապես, առաջարկվում է՝

Եվրոպայի խորհրդի Կոնգրեսի մոտեցմամբ՝ դպրոցական բացակայությունների խնդիրը հնարավոր չէ լուծել միայն սովորողից հաճախելիություն պահանջելով։ Անհրաժեշտ է բացահայտել բացակայությունների պատճառները, ժամանակին աջակցել երեխաներին և համակարգել կրթական ու սոցիալական ծառայությունների աշխատանքը։