«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ Independent-ի
Մեծ Բրիտանիայի նախկին վարչապետ Թոնի Բլերի ինստիտուտը առաջարկում է տուգանել այն ծնողներին, որոնք ընդդիմանում են դպրոցում իրենց երեխաների վատ վարքագծին արձագանքելուն: Գրում է Independent-ը։
Ինստիտուտի զեկույցում նշվում է, որ դպրոցները բախվում են վարքագծի և անվտանգության աճող ճգնաժամի, երբ անհնազանդ աշակերտները խաթարում են ուսումնական գործընթացը։ Պարզվել է, որ ուսուցիչների մեկ երրորդը նշել է այս խնդրի մասին։
Հետազոտության հիմքով ներկայացված առաջարկն է՝ դպրոցներին իրավունք տալ, որ կարողանան ընտանիքներին պարտադրել երեխաների անհնազանդ վարքը բացառող մոտեցումներ, այդ թվում՝ դպրոց չհաճախելու դեպքում ընդհուպ ծնողներին տուգանելու իրավասությամբ։
Կառավարությանը առաջարկներ ներկայացնող ինստիտուտի տնօրեն Ալեքսանդր Իոսադի խոսքով՝ ուսուցիչները մենակ են մնացել այս մարտահրավերներին դիմակայելու հարցում:
«Մենք պետք է վերականգնենք ուսուցիչների հեղինակությունն ու նրանց աջակցենք։ Ծնողները պետք է համագործակցեն ուսուցիչների հետ, իսկ անհրաժետության դեպքում՝ ներգրավվեն այլ կառույցներ»,- ասել է Իոսադը։
