ԱԲ ուսուցանողը ուսուցիչ չէ

Արհեստական բանականության (ԱԲ) միջոցով ուսուցանողի առկայությունն ինքնին դեռ չի երաշխավորում ավելի արդյունավետ ուսուցում։ Այս եզրահանգմանն է եկել ԱՄՆ Տնտեսական հետազոտությունների ազգային բյուրոն Թենեսիի 18 միջին դպրոցներում երկամյա փորձի արդյունքում։ Բյուրոյի խորհրդում ընդգրկված են Հյուսիսային Ամերիկայի առաջատար հետազոտական համալսարանների, տնտեսագիտական մասնագիտական կազմակերպությունների, ինչպես նաև բիզնեսի և աշխատուժի ներկայացուցիչներ։

Հետազոտությանը մասնակից աշակերտները մաթեմատիկայի ամենօրյա լրացուցիչ դասերի ընթացքում օգտագործել են Khanmigo ԱԲ գործիքը։ Այն հարմարեցված է աշակերտին դեպի լուծումը ուղղորդելուն, և ոչ թե պարզապես պատասխան տրամադրելուն։

Ըստ հետազոտության արդյունքների՝ Khanmigo-ի օգտագործելիս աշակերտների մաթեմատիկայի արդյունքը յուրաքանչյուր ուսումնական շրջանի ընթացքում միջինում բարձրացրել է 1.3 միավորով։ Մեկ ուսումնական տարվա հաշվարկով ազդեցությունը կազմել է մոտ 0.06–0.08 ստանդարտ շեղում։ Եթե աշակերտը ամբողջ տարվա ընթացքում ակտիվորեն մասնակցեր ծրագրին, հետազոտողները գնահատում են հնարավոր ազդեցությունը 0.14 ստանդարտ շեղում։

Սակայն հետազոտության ամենահետաքրքիր արդյունքը կապված է ոչ այնքան ԱԲ – ի հնարավորությունների, որքան աշակերտների ներգրավվածության հետ։

Աշակերտների 96% – ը առնվազն մեկ անգամ փորձել է Khanmigo – ն։ Սակայն մաթեմատիկայից միջին կարողություններ ունեցող աշակերտը ԱԲ ուսուցանողին ուղղորդման հայտ է ուղարկել տրված ժամանակի միայն մոտ 1/3 -ի դեպքում։

Երբ աշակերտը սխալ պատասխան է տվել, Khanmigo-ին դիմել է ընդամենը 17% դեպքերում։

Հետազոտողները նաև պարզել են, որ աշակերտների ուղարկած ուղղորդման ակնկալիքով հայտերի մեծ մասը պարզապես պատասխաններ են եղել կամ առաջարկվող հուշումների ընտրություն։ Այսինքն՝ ԱԲ – ի և աշակերտի միջև հաճախ չի ձևավորվել այնպիսի բովանդակային մաթեմատիկական երկխոսություն, որը կարող էր առավելագույնս օգտագործել անհատականացված ուսուցման հնարավորությունը։

Տնտեսական հետազոտությունների անկախ կազմակերպությունը ղեկավարվում է 51 անդամից բաղկացած տնօրենների խորհուրդը։