Քեմբրիջի համալսարանի նախաձեռնած հետազոտությամբ պարզվել է, որ մաթեմատիկայի ուսուցիչների պակասը Մեծ Բրիտանիայում հասել է կրիտիկական կետի։

Մաթեմատիկոսների ասոցիացիայի վերջին հարցման արդյունքները ցույց են տալիս, որ 2024-ի սեպտեմբերին դպրոցներում և քոլեջներում մաթեմատիկայի ուսուցիչների միայն 46%-ն է ունեցել համապատասխան որակավորում:

Ոլորտի մասնագետները զգուշացնում են, որ ուսուցիչների վրա դրված չափազանց մեծ պատասխանատվությունն ու քննությունների արդյունքներին միակողմանի կենտրոնացումը նվազեցնում են նրանց ոգեշնչումը։

Այս իրավիճակն էլ իր հերթին ազդում է աշակերտների խորքային ուսումնառության վրա: Ներկայիս համակարգի ճնշումները կարող են բացասաբար անդրադառնալ ինչպես ուսուցիչների վրա, այնպես էլ կրթության որակի վրա՝ նպաստելով կադրերի արտահոսքին:

Հետազոտության հեղինակները կառավարությանը կոչ են անում նկատի ունենալ, օրինակ, Ճապոնիայի փորձը, որտեղ ուսուցիչների հետ կապված խնդիրները հնարավոր է լուծել նրանց նկատմամբ արտահայտվող մեծ հարգանքով ու համարժեք մոտեցմամբ։