Կիպրոսի դպրոցում հոգեբանի կարիք կա

Կիպրոսի կրթության նախարարությունը նախատեսում է առաջիկա 3 տարում աշխատանքի ընդունել 60 կրթական հոգեբանի։ Cyprus Mail – ի փոխանցմամբ, կրթության նախարարությունը առաջարկել է 2027 թվականի բյուջեում ներառել 20 նոր հաստիք, սակայն ֆինանսների նախարարությունը համաձայնել է դրանց միայն կեսին։

Մասնագետների թիվն ու դիմումների աճը

Կիպրոսում կրթական հոգեբանության ծառայությունում այժմ աշխատում է 71 մասնագետ։ Մեծ մասը մշտական աշխատակիցներ են, իսկ ժամկետային պայմանագրերով աշխատողների թիվը 10 – ի էլ չի հասնում։

Կրթության նախարարության տվյալներով՝ Կիպրոսում յուրաքանչյուր 1700 աշակերտին բաժին է ընկնում մոտ մեկ կրթական հոգեբան։ Նախարարությունը այս հարաբերակցությունը համարում է անբավարար։

Վերջին 5 տարում կրթական հոգեբաններին ուղղված դիմումների թիվն աճել է 47% – ով։ Եթե 2019 – 2020 ուսումնական տարում գրանցվել էր 7229 դիմում, ապա 2023 – 2024-ին դրանց թիվը գերազանցել է 10 հազարը։

Հոգեբանի անելիքը

Կիպրոսի կրթության նախարարության տվյալներով, 2023 – 2024 թվականների ուսումնական տարում հոգեբանների միջամտությանն ուղղված դիմումների 11% – ը վերաբերել է վարքային խնդիրներին և բռնությանը։ 10% – ը վերաբերել է միջնակարգ դպրոցի աշակերտներին, որոնք օգնության ունեցել են կախվածություն առաջացնող վարքագծի կարիք։ Դրանց թվում են ալկոհոլի օգտագործումը, ծխելը, ապօրինի նյութերի օգտագործումը և մոլախաղերի նկատմամբ հակումը։

Կրթական հոգեբանների կարիքը հատկապես մեծ է ուսուցման դժվարություններ ունեցող երեխաների դեպքում, այդ թվում՝ աուտիզմ և դիսլեքսիա (կարդալ – գրելու յուրահատուկ դժվարություն)։