Լուսանկարը՝ AP news-ի
«Կրթության դեպարտամենտի դերը այս նոր դարաշրջանում՝ վերականգնել Միացյալ նահանգների վերահսկողությունը կրթության ոլորտում և վերջ դնել Վաշինգտոնի գերիշխանությանը: 1980 թվականին իր ստեղծումից ի վեր հարկատուները դեպարտամենտին են վստահել ավելի քան 1 տրիլիոն դոլար, սակայն ուսանողների արդյունքները շարունակաբար մնում են անբավարար: Միլիոնավոր երիտասարդ ամերիկացիներ հայտնվել են անհաջող դպրոցներում, ենթարկվել են արմատական հակաամերիկյան գաղափարախոսության կամ բախվել են քոլեջի վարկային պարտավորություններին՝ առանց իրենց դիպլոմից իրական օգուտ ստանալու» – հայտարարել է Կրթության դեպարտամենտի ղեկավար Լինդա Մաքմահոնը։
Նա ասել է, որ դեպարտամենտը պարտավոր է հարգել ամերիկյան ժողովրդի կամքը և նախագահի որոշումները, որը հանձնարարել է վերացնել կրթական բյուրոկրատական ավելորդությունները՝ արագ և պատասխանատու կերպով:
Լինդա Մաքմահոնը հայտարարել է, որ իր պատկերացումները համահունչ են Թրամփի տեսլականին՝ կրթությունը վերադարձնել նահանգներին և բոլոր ծնողներին տալ իրենց երեխաների համար գերազանց կրթություն ընտրելու հնարավորություն։
«Որպես մայր և տատիկ՝ ես գիտեմ, որ կրթական որոշումներ կայացնելու համար ծնողից ավելի որակավորված մարդ չկա: Ես նաև սկսել եմ իմ կարիերան որպես ուսուցիչ և միշտ համարել եմ, որ ուսուցչի մասնագիտությունը ամենաազնիվ մասնագիտություններից է: Որպես գործարար կին՝ ես հասկանում եմ կրթության ուժը՝ աշխատողներին բովանդակալից կարիերայի համար պատրաստելու գործում»,- ասել է կրթության դեպարտամենտի ղեկավարը:
Նոր մեկնաբանություն