Լուսանկարը՝ ՏՀԶԿ-ի կայքից
Էստոնիայում տարբեր սերունդների հմտությունների անհավասարությունը աճում է ավելի արագ, քան Տնտեսական համագործակցության և զարգացման կազմակերպության (OECD) մյուս երկրներում։
Փորձագետներն այս իրավիճակը համարում են վտանգավոր հիմք՝ քաղաքական բևեռացման համար։
Մեծահասակների հմտությունների միջազգային գնահատման ծրագրի նոր հետազոտությամբ պարզվել էլ, որ մինչև 16-34 տարեկանների հմտությունները զգալիորեն աճել են (Էստոնիան զբաղեցրել է 3-րդ տեղը Ճապոնիայից և Ֆինլանդիայից հետո), իսկ 55-65 տարեկանների հմտությունները վերջին տասնամյակում էական անկում են ապրել։
Տալլինի համալսարանի կրթության փորձագետ Տրին Լաուրին հայտարարել է, որ կրթական անհավասարությունը վտանգավոր է ոչ միայն աշխատաշուկայի համար, այլև հասարակության ընդհանուր միասնականության տեսանկյունից։ Նա ընդգծել է, որ երբ հասարակության տարբեր խմբեր չեն կիսում ընդհանուր արժեքներ և հետաքրքրություններ, դա կարող է խորացնել սոցիալական ու քաղաքական տարաձայնությունները։
Տնտեսական համագործակցության և զարգացման կազմակերպությունը շեշտում է, որ այս ուսումնասիրությունը երկրներին կօգնի բացահայտել հմտությունների զարգացման խոչընդոտները և մշակել պետական հայեցակարգ՝ դրանց հաղթահարման համար։
