Լուսանկարը՝ ԿԳՄՍ նախարարության կայքից
ՀՀ ԿԳՄՍ նախարարությունը տեղեկացնում է, որ ուսումնասիրման նպատակով համապատասխան մարմիններին է փոխանցել համացանցում շրջանառվող տեսանյութը՝ փոքրահասակ երեխայի նկատմամբ բռնության վերաբերյալ:
ԿԳՄՍ նախարությունը դատապարտում է բռնության ցանկացած դրսևորում և նշում է, որ հետամուտ է լինելու միջադեպի բացահայտմանն ու օրենքի շրջանակում իրավական գնահատական տալուն:
«Բռնության ցանկացած դրսևորում անհարիր է կրթական միջավայրին, և նման գործելաոճով առաջնորդվողները տեղ չունեն և չեն կարող ունենալ ուսումնական հաստատություններում, որոնցում պետք է առաջնային լինի երեխայի լավագույն շահի պաշտպանությունը»,- նշված է ՀՀ ԿԳՄՍ նախարարության հաղորդագրության մեջ։
Հուլիսի 26-ին համացանցում հրապարակվել է տեսանյութ, որտեղ պատկերված է, թե ինչպես է մանկապարտեզի աշխատակիցը ֆիզիկական բռնություն գործադրում երեխայի նկատմամբ:
Նոր մեկնաբանություն