Լուսանկարը՝ ԿԳՄՍ նախարարության
ՀՀ ԿԳՄՍ նախարարության աջակցությամբ «Երեխաների հատուկ ստեղծագործական կենտրոն» ՊՈԱԿ-ը շարունակում է իրականացնել «Քո արվեստը դպրոցում» կրթամշակութային ծրագիրը:
Նախարարության տեղեկացմամբ, ծրագրի աշնանային շրջափուլի մեկնարկը տրվել է սեպտեմբերի 25-ին՝ Լոռու մարզի Սպիտակ քաղաքից: Հանդիպման բանախոսը կոմպոզիտոր, Ա. Սպենդիարյանի տուն-թանգարանի տնօրեն, Հայաստանի մշակույթի վաստակավոր գործիչ Մարինե Օթարյանն էր:
Նախագծի աշնանային փուլի շրջանակում արդեն իրականացվել են երեք հանդիպումներ. երկուսը՝ Լոռու մարզի Դսեղ և Գյուլագարակ գյուղերում, մեկը՝ Կոտայքի մարզի Չարենցավան քաղաքում:
«Քո արվեստը դպրոցում» կրթամշակութային ծրագրի շրջանակում 2024 թվականի ընթացքում ավելի քան 4000 աշակերտի մասնակցությամբ նախատեսված են հանդիպումներ Հայաստանի 50 մշակութային գործիչների հետ, որոնց ընտրությունը կատարել է ՀՀ կրթության, գիտության, մշակույթի և սպորտի նախարարի հրամանով ստեղծված հանձնաժողովը:
Նոր մեկնաբանություն