Ավստրալիայի Դիքին համալսարանն ամփոփել է 7-12 տարեկան 13 217 աշակերտների շրջանում կատարած հարցումը։ Պարզվել է, որ 33 տոկոսը ընդհանրապես չի կարդում գիրք, կամ կարդում է հազվադեպ (ներառյալ բլոգ, որեւէ տեքստ)։ 16 տոկոսը կարդում է շաբաթական 1-3 անգամ։

Միայն 12 տոկոսն է ասել, որ կարդում է ամեն օր։ Տվյալներն ամփոփում է Ավստրալիայի ուսուցչական տեղեկատվական հարթակը (teachermagazine):

Վերջին 1 տարում աշակերտների 60 տոկոսը գրադարանից խորհուրդ չի հարցրել։ 23 տոկոսն է 1-2 անգամ հարցրել, թե որ գիրքն արժե կարդալ։ 7 անգամից ավելի գրադարան դիմած աշակերտները հարցվածների ընդամենը 4 տոկոսն են։

78 տոկոսն ասել է, որ ազատ ժամանակ նախընտրում է այլ զբաղմունք։ 67 տոկոսը նշել է, որ չի սիրում գիրք կարդալ։ 44 տոկոսը նշել է, որ չի գտնում իրեն հետաքրքիր կարդալու բան։ 21 տոկոսը խոստովանել է, որ լավ չի կարդում։

Պարզվել է, երեխաներն ամենաշատը նախընտրում են լինել սոցիալական ցանցերում (34 տոկոսը)։ 21 տոկոսն ավելի շատ հեռուստացույց է դիտում, 15 տոկոսին գրավում են վիդեո խաղերը։ Միայն 11 տոկոսն է նախընտրում գիրք կարդալը։