Լուսանկարը՝ «Արագած» մարզահամալիրի
Մեկնարկում է մարզերում դպրոցականների առողջ ապրելակերպի խրախուսման փորձնական ծրագիրը: Տեղեկացնում է ԿԳՄՍ նախարարությունը։
Ծրագրի նպատակն է դպրոցահասակ երեխաների շրջանում խթանել առողջ ապրելակերպը, նրանց ներգրավել լողի ուսուցման, զարգացման և սպորտի մեծ նվաճումների գործընթացում: Ծրագիրն իրականացվելու է Արագածոտնի մարզի «Արագած» մարզահամալիրում:
Ծրագրին կարող են մասնակցել լողավազանի տարածքի պետական ուսումնական հաստատությունների սովորողները:
Լողավազաններում դպրոցահասակ երեխաների համար լողի ուսուցումը նախատեսվում է իրականացնել 8-12 տարեկանների, ինչպես նաեւ 13-17 տարեկանների համար։
Ուսուցումը նախատեսվում է անցկացնել շաբաթական 3 օր՝ յուրաքանչյուր պարապմունքը 1 ժամ:
Մարզումների մասնակցության հայտագրումը կսկսվի սեպտեմբերի 23-ից և կտևի մինչև հոկտեմբերի 10-ը:
