Բրազիայում աշակերտները դպրոց են գնում առանց սմարթֆոնների։ Տեղեկացնում է Associated Press լրատվական գործակալությունը։

Հունվարին նախագահ Լուիզ Ինակո դա Սիլվան ստորագրել էր օրենք, որն արգելում է սմարթֆոնների գործածությունը դպրոցում։ Բրազիլիայի կառավարությունն այս կարգը սահմանել է՝ հետևելով ԱՄՆ-ում և Եվրոպայում՝ խստացված կանոններին։

Այս սահմանափակումը վերաբերում է ինչպես պետական, այնպես էլ մասնավոր կրթական հաստատություններին։

Ըստ օրենքի, դպրոցներում սմարթֆոն կարելի է կիրառել բացառապես ուսուցչի թույլտվությամբ՝ կրթական նպատակներով ու աշակերտների առողջական խնդիրների հետ կապված հարցեր լուծելու համար։

Նախքան օրենքի ընդունումը Բրազիլիայի մի շարք նահանգներում, այդ թվում՝ Ռիո դե Ժանեյրոյում, արդեն իսկ գործում էր սմարթֆոնների արգելքը։ 2023 թվականից ի վեր բրազիլական դպրոցների 28 տոկոսում, ըստ ինտերնետային հարցեր կարգավորող կոմիտեի, արդեն իսկ գործում էր սմարթֆոնների անտեղի կիրառությունն արգելող կարգ։