Դպրոցներում ուսումնական գործընթացը բնականոն կազմակերպվում է։ Ես այս պահին անհանգստանալու որեւէ հիմք չեմ տեսնում,- կառավարության նիստից հետո լրագրողների հետ ճեպազրույցում հայտարարել է ԿԳՄՍ նախարար Ժաննա Անդրեասյանը ի պատասխան տարածվող տեղեկություններին, թե դպրոցներում նախապատրաստվում են ահաբեկչություններ։

Հայաստանի դպրոցներում բնականոն դասապրոցեսի կազմակերպման առումով անհանգստանալու հիմքեր չկան․ «Տելեգրամ» ալիքներով տարածվող տեղեկատվությանը, թե իբր Հայաստանի դպրոցներում ահաբեկչություն է նախապատրաստվում, ուսումնասիրում են իրավապահները: Ավելի վաղ պաշտոնական կայքով տեղեկացրել էր ՀՀ ԿԳՄՍ նախարարությունը։

Նախարարությունը ծնողներին և ուսուցիչներին հորդորում է տուրք չտալ ապատեղակատվությանը, անհարկի խուճապ չտարածել։

Նախարարությունը ևս որոշ ահազանգեր ստացել է, իրավապահներն ուսումնասիրում են լուսանկարը, որը տարածվում է դպրոցներում ահաբեկչության նախապատրաստման մասին տեղեկատվության հետ։