Լուսանկարը՝ ՀՀ կրթության տեսչական մարմնի կայքից
ՀՀ կրթության տեսչական մարմնի ղեկավար Վաղարշակ Մատիկյանը աշխատանքային այցով Արարատի մարզում հանդիպել է մարզպետ Սեդրակ Թևոնյանին։ Տեղեկացնում է տեսչական մարմինը։
Ըստ հաղորդագրության, Մատիկյանը ներկայացրել է մարզի մի շարք դպրոցներում իրականացված ստուգումների արդյունքները՝ նշելով, որ կարևորում են հետադարձ կապը և աջակցությունը դպրոցներին:
Կարևորելով կրթության բնագավառում շարունակական բարեփոխումներն ու կրթության որակի բարելավմանն ուղղված քայլերի իրականացումը՝ Արարատի մարզպետը նշել է, որ իրենց աշխատակազմը պատրաստ է համագործակցության։
ՀՀ կրթության տեսչական մարմնի ղեկավարը ներկայացրել է նաև Տեսչական մարմնի կողմից մշակված նոր գործիքակազմը՝ ռուբրիկները։ Ստեղծվող գնահատման սյունակաշարերի՝ ռուբրիկների կիրառումը ուսումնական հաստատության ռիսկայնության որոշման գործընթացը կդարձնեն առավել խորքային, իսկ ստուգման արդյունքների կապը ոլորտը կարգավորող օրենսդրությամբ սահմանված սկզբունքների հետ հնարավորություն կտա որոշելու ուսումնական հաստատության գործունեության և ոլորտում պետական քաղաքականության համապատասխանության աստիճանը։
