Լուսանկարը՝ «Հինդուստան թայմս»-ի
Մեդիայի ազատության արագ արձագանքման խումբը խստորեն դատապարտում է Վրաստանի իշխող կուսակցության ջանքերը լրագրողներին օտարերկրյա գործակալ համարելու պայմաններ ստեղծող, ռուսական ոճով գրված օրենքն ընդունելու կապակցությամբ։
Հայտարարությունը տարածել է միջազգային մամուլի ինստիտուտը։
Մամուլի ու մեդիայի ազատության եվրոպական կենտրոնը, Լրագրողների եվրոպական ֆեդերացիան, Միջազգային մամուլի ինստիտուտն ու այլ հեղինակավոր միջազգային կազմակերպություններ, ըստ հայտարարության, համոզված են, որ վրացական իշխանության ջանքերով ոչ միայն տեղի են ուենալու ճնշումներ լրագրողների նատմամբ, այլեւ ստեղծվելու են պայմաններ խոսքի ազատության սահմանափակման, ժողովրդավարության հետընթացի համար։
Միջազգային լրագրողական կազմակերպությունները «Վրացական երազանք» կուսակցությանը կոչ են անում անհապաղ հրաժարվել օրենքն ընդունելու գաղափարից։
Խնդրահարույց օրենքն առաջինն ընդունել է ՌԴ-ն, ապրիլի 3-ին այն ստորագրեց Ղրղըզստանի նախագահը, իսկ փետրվարին ի շարս ռուսական կառավարության նախընտրելի այլ կարգավորումների, այս օրենքն ընդունել էր Աբխազիան։
