«Լոռու մարզում կրկնակի, նույնիսկ եռակի աճել է թմրամիջոցների ապօրինի շրջանառությունը՝ անգամ դպրոցականների շրջանում», – ըստ «Ազատություն» ռ/կ-ի մարտի 5-ին հայտարարել է Ոստիկանության Լոռու մարզային վարչության պետը։
«Շատ ցավալի է, որ թմրամիջոցն արդեն մուտք է գործել անչափահասների գրպան։ Մենք ունենք դեպքեր, երբ անչափահասները և՛ իրացնում են, և՛ ձեռք են բերում, և՛ օգտագործում են թմրամիջոցներ», – ասել է Ոստիկանության մարզային վարչության պետը։
Իրավապահ համակարգը որոշել է , որ ոստիկանները պետք է ամեն օր շրջեն դպրոցներում, նա ուսումնական հաստատությունների ղեկավարներին հորդորել է աջակցել իրավապահներին:
Ի՞նչ է ստացվում, ըստ ԿԳՄՍ պաշտոնական կայքում հրապարակված մեջբերման,
Հանրակրթությունը նպատակաուղղված է յուրաքանչյուր սովորողի՝
1) մտավոր, հոգևոր, ֆիզիկական և սոցիալական զարգացմանը.․․
Սակայն Հովհաննես Թումանյանի հողուջրի դպրոցականներին թմրամիջոցներից զերծ պահելու նպատակով ոստիկանները պետք է շրջեն դպրոցներով ու ստուգեն՝ սթա՞փ են երեխաները, գրպաններում թմրանյութ կա՞, թե՞ ոչ։
Սա պետական պաշտոնյաների՝ տարիներով դրսևորած ոչ հետևողական գործունեության հետևանքն է։ Պետք էր ժամանակին դպրոցներ ուղարկել գործից քաջատեղյակ ստուգող մասնագետների և ստուգել նախ շատուշատ ուսուցիչների և պարզել, թե նրանք գիտե՞ն, որ հանրակրթության համակարգը մտավոր, հոգևոր, ֆիզիկական և սոցիալական զարգացմանը նպատակաուղղված ոլորտ է։ Այնպիսի ոլորտ, որտեղ ոչ թե ոստկանները պետք է մուտք գործեն, այլ մտավորականները, արվեստագետները, հետաքրքիր ու ստեղծագործող մարդիկ։
Անուշ Մարտիրոսյան
