Լուսանկարում՝ Մարտին Լևիս
Լուսանկարը՝ Independent-ի
Բրիտանացի փորձագետ, ֆինանսական գրագիտության վերաբերյալ հեռուստահաղորդման վարող Մարտին Լևիսը կառավարությանը մեղադրել է քաղաքական ձախողման մեջ՝ վկայակոչելով ֆինանսական գրագիտության համար անհրաժեշտ դասագրքերի ծախսը չհոգալու մեջ։ Տեղեկացնում է Independent պարբերականը։
Փորձագետը ծախսել է 325 հազար ֆունտ [ավելիքան $400 հազար] դասագրքի ստեղծման համար, սակայն կառավարությունը վերջին պահին չի հաստատել ֆինանսական հատկացումը։
Բրիտանական դպրոցներում ֆինանսական գրագիտություն դասավանդվում է 2014թ․-ից։ Լևիսը տպագրել էր 340 հազար օրինակ գիրք, որի համար տարիներ առաջ ստացել էր փող՝ կառավարությունից։
Independent պարբերականի փոխանցմամբ, անցյալ ամիս Փողերի և կենսաթոշակների ծառայության հարցումները պարզել էին, որ դպրոցն ավարտող երեխաների մեծամասնությունը չի տիրապետում ֆինանսական գրագիտության տարրական հմտություններին։
Կրթության նախարար Դեմիան Հինդսը շնորհակալություն է հայտնել Լևիսին ֆինանսական գրագիտության ուսուցանման ուղղությամբ կատարած աշխատանքի համար։ Միևնույն ժամանակ հրաժարվել է ընդունել, որ կրտսեր դպրոցում անհրաժեշտություն է ֆինանսակական գրագիտություն առարկան։ Ասել է՝ դեռ պետք է կրտսեր դպրոցում լավ մաթեմատիկա սովորեցնեն երեխաներին։ Իսկ առարկան ցածր դասարաններում դասավանդելու հեռանկարը չի բացառել։
Նախարարը հայտարարել է, որ ֆինանսական գրագիտությունը, փող խնայելու կարողությունը պարտադիր է 11-16 6տարեկանների համար։
Բրիտանական կառավարությունը ավելի քան $120 մլն է հատկացրել մաթեմատիկայի զարգացման համար։
Նոր մեկնաբանություն