ԿԳՄՍ նախարարին կից հասարակական խորհրդի հերթական նիստին քննարվել են ընթերցանության վերաբերյալ հարցեր: Նիստը վարել է խորհրդի նախագահ, նախարար Ժաննա Անդրեասյանը:

Ըստ ԿԳՄՍ նախարարության հաղորդագրության, Հասարակական խորհրդի անդամ, «Անտարես» հոլդինգի նախագահ Արմեն Մարտիրոսյանը անդրադարձել է հարցերին, թե ինչո՞ւ է պետք կարդալ և ինչո՞ւ հենց հայերեն: Ըստ «Անտարես» հոլդինգի նախագահի, բազմաթիվ հետազոտություններ վկայում են՝ նոր միտքը ծնվում է մայրենի լեզվով, հետևաբար պետք է խթանել հայերեն ընթերցանությունը:

Արմեն Մարտիրոսյանն ուշադրություն է հրավիրել նաև քննադատական մտածողության զարգացմանը, տարիքային խմբերի համար առաջարկվող գրականությանը:

Ներկայացնելով Հայաստանում հայերեն ընթերցանության զարգացման համապարփակ հայեցակարգի նախագիծը՝ նա ընդգծել է հատկապես երիտասարդների ընթերցանության մակարդակի, տեքստը հասկանալու կարողության, գրադարանային համակարգի զարգացման անհրաժեշտությունը:

Արմեն Մարտիրոսյանը կարևոր է համարել ընթերցանության զարգացման ուղղությամբ ֆինանսավորման աղբյուրների, ժամանակացույցի, մոնիթորինգի և գնահատման, միջազգային փորձի կիրառման հարցերը՝ ընդգծելով, որ հայեցակարգի իրականացումը պահանջում է պետական, մասնավոր և հասարակական հատվածների ջանքերի համատեղում:

Ըստ նախարար Ժաննա Անդրեասյանի՝ որոշվել է ընթերցանությունը ներառել դպրոցական օլիմպիադաների կարգում, և այս տարի արդեն պլանավորվում է այն անցկացնել 5-րդ և 6-րդ դասարաններում:

«Կարևոր է, իհարկե, նաև որակը, որովհետև ակնհայտ է, որ ընթերցանության օլիմպիադան պետք է միտված լինի տեքստեր կարդալու և վերլուծելու հմտությունների զարգացմանը, այլ ոչ թե անգիր անելուն: Հուսով եմ՝ այդ մասով էլ որոշակի հետևողականություն կունենանք, որպեսզի առաջադրված խնդիրները ճիշտ հասցեագրվեն և լուծվեն»,- նշել է նախարարը:

ԿԳՄՍ նախարարին կից հասարակական խորհրդի հերթական նիստին քննարվել են ընթերցանության վերաբերյալ հարցեր: Նիստը վարել է խորհրդի նախագահ, նախարար Ժաննա Անդրեասյանը:

Ըստ ԿԳՄՍ նախարարության հաղորդագրության, Հասարակական խորհրդի անդամ, «Անտարես» հոլդինգի նախագահ Արմեն Մարտիրոսյանը անդրադարձել է հարցերին, թե ինչո՞ւ է պետք կարդալ և ինչո՞ւ հենց հայերեն: Ըստ «Անտարես» հոլդինգի նախագահի, բազմաթիվ հետազոտություններ վկայում են՝ նոր միտքը ծնվում է մայրենի լեզվով, հետևաբար պետք է խթանել հայերեն ընթերցանությունը:

Արմեն Մարտիրոսյանն ուշադրություն է հրավիրել նաև քննադատական մտածողության զարգացմանը, տարիքային խմբերի համար առաջարկվող գրականությանը:

Ներկայացնելով Հայաստանում հայերեն ընթերցանության զարգացման համապարփակ հայեցակարգի նախագիծը՝ նա ընդգծել է հատկապես երիտասարդների ընթերցանության մակարդակի, տեքստը հասկանալու կարողության, գրադարանային համակարգի զարգացման անհրաժեշտությունը:

Արմեն Մարտիրոսյանը կարևոր է համարել ընթերցանության զարգացման ուղղությամբ ֆինանսավորման աղբյուրների, ժամանակացույցի, մոնիթորինգի և գնահատման, միջազգային փորձի կիրառման հարցերը՝ ընդգծելով, որ հայեցակարգի իրականացումը պահանջում է պետական, մասնավոր և հասարակական հատվածների ջանքերի համատեղում:

Ըստ նախարար Ժաննա Անդրեասյանի՝ որոշվել է ընթերցանությունը ներառել դպրոցական օլիմպիադաների կարգում, և այս տարի արդեն պլանավորվում է այն անցկացնել 5-րդ և 6-րդ դասարաններում:

«Կարևոր է, իհարկե, նաև որակը, որովհետև ակնհայտ է, որ ընթերցանության օլիմպիադան պետք է միտված լինի տեքստեր կարդալու և վերլուծելու հմտությունների զարգացմանը, այլ ոչ թե անգիր անելուն: Հուսով եմ՝ այդ մասով էլ որոշակի հետևողականություն կունենանք, որպեսզի առաջադրված խնդիրները ճիշտ հասցեագրվեն և լուծվեն»,- նշել է նախարարը: