Ավստրալիայի արդյունավետության հանձնաժողովը առաջարկում է ստեղծել միասնական ազգային հարթակ, որտեղ ուսուցիչները կկարողանան փոխանակել դասերի պլանները՝ նպաստելով ուսումնական արդյունքների բարելավմանը և ուսուցիչների ծանրաբեռնվածության նվազեցմանը, գրում է The Guardian պարբերականը։ Հանձնաժողովի չորրորդ միջանկյալ զեկույցում նշվում է, որ նման հարթակը կօգնի վերացնել տարբեր պետություններում և շրջաններում առկա ուսումնական նյութերի անհամաչափությունը, ինչպես նաև ապահովել դրանց հարմարեցումը տեղական պայմաններին և աշակերտների կարողություններին։

Ավստրալիայի արդյունավետության հանձնաժողովն անկախ մարմին է, որն ուսումնասիրում է տնտեսական, սոցիալական ու բնապահպանական հարցերի վրա ազդեցության ունեցող ոլորտների խնդիրներն ու ներկայացնում է խորհրդատվական առաջարկներ։

Զեկույցում նաև կոչ կա. մշակել միասնական ազգային ռազմավարություն կրթական տեխնոլոգիաների, այդ թվում՝ արհեստական բանականության կիրառման համար։ Այժմ տարբեր նահանգներում քաղաքականությունները տարբեր են․ մի քանիսը արգելում են գեներատիվ ԱԲ գործիքները, իսկ մյուսները, օրինակ՝ Նոր Հարավային Ուելսը, ստեղծում են սեփական համակարգեր, ինչպիսին է Educhat-ը։

Հանձնաժողովը նշում է, որ ԱԲ-ն կարող է անհատականացնել ուսուցումը՝ հարցերը հարմարեցնելով ըստ աշակերտի առաջադիմության։ Սակայն, նկատի ունենալով, ԱԲ-ն ոչ թե որպես գործիք, այլ որպես մարդկային ֆակտորի փոխարինողի ընկալման թյուրիմացությունը, հանձնաժողովը կարևոր է համարում ուսուցիչների անմիջական ու կենդանի համագործակցությունը՝ կապված ռիսկերը կառավարելու համար։