Մարդու ինքնությունը՝ «Մուրադիք» արվեստի կենտրոնում

«Մուրադիք» արվեստի կենտրոնում ներկայացված են ժամանակակից արվեստագետներ Անի Կուշոյի և Աննա Հովանի ստեղծագործությունները։ Ցուցահանդեսը բացվել է օգոստոսի 17 – ին՝ «Մուրադիք» արվեստի կենտրոնի 3 – րդ տարեդարձի օրը։

Երևանի այս առանձնացող ու արվեստով շնչող անկյունում բացված ցուցահանդեսին հրավիրված արվեստագետների, մտավորականների, հանրային հեղինակություն վայելող անձանց հանդիպումների, քննարկումների թեման արվեստի շնորհիվ նոր իմացությունների, նոր զգացողությունների նվաճման կարևորությունն է։

Արվեստի կենտրոնում ներկայացված հետաքրքիր աշխատանքների ցուցադրությունը վայելելու հաճույքը բոլորովին նոր երանգ է ստանում հատկապես Ծովինար Ամիրյանի ջազային կատարումների շնորհիվ։

Փոխակերպման ընթացք և ինքնություն

Աննա Հովանը իր նկարներում ինքնությունն ուսումնասիրում է որպես փոխակերպման գործընթաց՝ մի վիճակ, որում մարդն իր գոյությունն ապրում է արտաքին կերպարի և ներքին էության, տեսանելիի և անարտահայտելիի միջև։

«Ժամանակակից մշակույթը ինքնորոշման պատրաստի ձևանմուշներ է առաջարկում՝ նորաձևության, սոցիալական կոդերի և գեղեցկության չափանիշների միջոցով։ Սակայն այդ ձևերը հաճախ վերածվում են պատյանների, որոնք չեն արտացոլում մարդկային ապրումի խորությունը։ Իմ աշխատանքներում ես փորձում եմ դուրս գալ տեսողական պայմանականություններից՝ մարդկային կերպարը վերածելով մի տարածության, որտեղ կարելի է խորհել այն մասին, թե ով ենք մենք մնում, երբ հանում ենք սոցիալական և գեղագիտական դիմակները»,– այսպես է ներկայանում Աննա Հովանը։

Աննա Հովանը կարծում է՝ գեղեցկությունը ոչ թե գեղագիտական չափանիշ կամ իդեալ է, այլ ներկայության կենդանի էներգիա՝ ներքին ներդաշնակության արտահայտություն, որը կարող է լինել փխրուն ու հակասական։ «Ինձ գրավում է այն պահը, երբ արտաքին կերպարը դադարում է պարզապես ձև լինելուց և դառնում ներքին վիճակի արտացոլում․ այն պահը, երբ մարդը կարճ ժամանակով համընկնում է իր իրական «ես»-ի հետ»։

Արվեստագետը բացատրում է․ «Իմ նկարների կերպարները դիմանկարներ չեն, այլ մարդկային գոյության փոխաբերություններ։ Նրանք գոյություն ունեն նյութականի և մետաֆիզիկականի, ֆիզիկականի և հոգևորի սահմանագծին։ Գույնի, տարածության և ռիթմի փոխազդեցության միջոցով ես ստեղծում եմ տեսողական լեզու, որում ինքնությունը բացահայտվում է ոչ թե որպես վերջնական ու անփոփոխ արդյունք, այլ որպես շարժում՝ հոսուն, անկայուն և կենդանի»։

Աննա Հովանի նկարներն ինքնաճանաչման ձև են և ներքին երկխոսության հրավեր, որտեղ դիտողը ոչ միայն նայում է կերպարին, այլև նրա մեջ ճանաչում է սեփական գոյության փորձը։

Նկարիչը դեռ վաղ տարիքից գրեթե ֆիզիկական ձգողականություն է զգացել դեպի տեսողական աշխարհը․ ոչ միայն նկարելու, այլև տեսածը վերծանելու ցանկություն ունեցել։

Ըստ Աննա Հովանի, գեղեցկությունը ոչ թե գեղագիտական չափանիշ կամ իդեալ է, այլ ներկայության կենդանի էներգիա՝ ներքին ներդաշնակության արտահայտություն, որը կարող է լինել փխրուն ու հակասական։ «Ինձ գրավում է այն պահը, երբ արտաքին կերպարը դադարում է պարզապես ձև լինելուց և դառնում ներքին վիճակի արտացոլում․ այն պահը, երբ մարդը կարճ ժամանակով համընկնում է իր իրական «ես»-ի հետ»։

Արվեստագետը բացատրում է․ «Իմ նկարների կերպարները դիմանկարներ չեն, այլ մարդկային գոյության փոխաբերություններ։ Նրանք գոյություն ունեն նյութականի և մետաֆիզիկականի, ֆիզիկականի և հոգևորի սահմանագծին։ Գույնի, տարածության և ռիթմի փոխազդեցության միջոցով ես ստեղծում եմ տեսողական լեզու, որում ինքնությունը բացահայտվում է ոչ թե որպես վերջնական ու անփոփոխ արդյունք, այլ որպես շարժում՝ հոսուն, անկայուն և կենդանի»։

Աննա Հովանի նկարներն ինքնաճանաչման ձև են և ներքին երկխոսության հրավեր, որտեղ դիտողը ոչ միայն նայում է կերպարին, այլև նրա մեջ ճանաչում է սեփական գոյության փորձը։

Նկարիչը դեռ վաղ տարիքից գրեթե ֆիզիկական ձգողականություն է զգացել դեպի տեսողական աշխարհը․ ոչ միայն նկարելու, այլև տեսածը վերծանելու ցանկություն ունեցել։

«Ես դարձա նկարիչ, որովհետև պատկերներ ստեղծելն ինձ համար աշխարհի հետ շփվելու ամենաանկեղծ ու բնական ձևն է՝ այն հասկանալու, հարցադրելու և դրան իմաստավոր մի բան ավելացնելու ճանապարհը»,– բացատրում է նկարիչը։

Նկարչությունը՝ լեզու

Անի Կուշոն նկարչությունը բնութագում է որպես լեզու։

Անի Կուշոն իր ընկալումներն ու զգացմունքներն արտահայտում է էզոտերիկայով և փիլիսոփայությամբ տարված։

Անի Կուշոն ծնվել է արվեստագետների ընտանիքում և մանկության տարիներից շրջապատված է եղել արվեստագետներով։

Դեռ փոքր տարիքից իմացել է, որ դառնալու է արտիստ։ Եվ դա ակնհայտ է նրա աշխատանքներից։