Շտայների խորհուրդներն ուսուցիչներին

Վալդորֆյան դպրոցի հիմնադիր, փիլիսոփա, անտրոպոսոֆ Ռուդոլֆ Շտայները իր ներդրած սկզբունքներով առաջին դպրոցը բացելուն ընդառաջ՝ 1919 թվականի օգոստոսի 20-ից սեպտեմբերի 5-ը ամենօրյա դասախոսություններ կարդաց մարդու զարգացմամբ հետաքրքրված ուսուցիչների համար։

1919 թվականի սեպտեմբերի 5-ին՝ դասախոսությունների շարքի ավարտին, Շտայները ուսուցիչներին հիշեցնում էր, որ եթե նրանք ճիշտ ընկալեն այդ օրերի ընթացքում իրենց փոխանցված գաղափարները, ապա անհրաժեշտ պահին իրենց մեջ կծագեն այն մտքերը, որոնք կօգնեն հասկանալ՝ ինչ անել և ինչպես դասավանդել։

Վալդորֆյան դպրոցի հիմնադրի պատկերացրած առողջ և ոգեշնչված ուսուցիչը միաժամանակ այն մարդու օրինակն էր, որի ձևավորմանը պետք է ձգտի կրթության ոլորտն ամբողջությամբ։

Շտայների ձևակերպմամբ՝ կրթությունը պետք է նպաստի այնպիսի մարդկանց ձևավորմանը, որոնք կլինեն՝

Այս պատկերացման մեջ կրթության նպատակը միայն գիտելիքի փոխանցումը չէ։ Այն մարդու մեջ նախաձեռնության, աշխարհի նկատմամբ հետաքրքրության, ճշմարտությունը փնտրելու և ներքին կենսունակությունը պահպանելու կարողությունների զարգացումն է։

Շտայների համար կրթության բարձրագույն նպատակը ազատ մարդու ձևավորումն էր՝ մարդու, որն ունակ է ինքնուրույն իմաստ և ուղղություն տալ իր կյանքին։