PISA 2025․ Հայաստանցիների 1% – ն է հասել բարձր մակարդակի

Աշակերտների գնահատման միջազգային ծրագրի՝ ծրագիր PISA (Program for International Student Assessment) հետազոտության 2025 թվականի արդյունքներով՝ Հայաստանի աշակերտների միջին միավորները մաթեմատիկայից, ընթերցանությունից և բնագիտությունից ցածր են Տնտեսական համագործակցության և զարգացման կազմակերպության (ՏՀԶԿ/OECD) երկրների միջին ցուցանիշներից։ PISA – ն Հայաստանում հետազոտությունն անցկացրել է առաջին անգամ: Արդյունքներն առանձնանում են ոչ միայն միջին տվյալների ցածր լինելով, այլև նրանով, որ շատ քիչ աշակերտներ են հասնում բարձր մակարդակի, և միաժամանակ մեծ է այն աշակերտների թիվը, որոնք չեն հասնում անգամ նվազագույն հմտությունների շեմին։

Ըստ հրապարակված հետազոտության տվյալների, Հայաստանի աշակերտների շրջանում շատ փոքր է բարձր առաջադիմություն ցուցաբերողների բաժինը։ Մաթեմատիկայից 5 րդ կամ 6 –րդ մակարդակի է հասել աշակերտների ընդամենը 1% – ը, մինչդեռ ՏՀԶԿ երկրների միջին ցուցանիշը 8% է։

PISA – ի այս մակարդակներում աշակերտը պետք է կարողանա մաթեմատիկորեն մոդելավորել բարդ իրավիճակներ, ինչպես նաև ընտրել, համեմատել և գնահատել խնդիրների լուծման համապատասխան ռազմավարություններ։

Համեմատություն

Բարձր մակարդակի հասած աշակերտների ամենամեծ տվյալները գրանցվել են ասիական 7 երկրներում և տնտեսություններում։

Չինաստանում այդ ցուցանիշը 54% է, Սինգապուրում՝ 37%, Թայվանում՝ 32%, Մակաոյում՝ 29%, Հարավային Կորեայում՝ 23%, Ճապոնիայում՝ 22%, իսկ Հոնկոնգում՝ 21%։

PISA 2025-ին մասնակցած երկրներից 91 երկրից 13–ում մաթեմատիկայից 5 –րդ կամ 6 –րդ մակարդակի հասած աշակերտները 10% – ից ավելին են;

Ըստ զեկույցի՝ Հայաստանում մեծ է այն աշակերտների մասնաբաժինը, ովքեր չեն հասնում նույնիսկ նվազագույն (2-րդ) մակարդակի շեմին, ինչը նշանակում է, որ ՏՀԶԿ միջինի համեմատ ավելի քիչ աշակերտներ ունեն տվյալ ոլորտների բազային հմտությունները: