ՀՀ դպրոցներում բացակայությունները 3 անգամ շատ են

Հայաստանում 15 -ամյա աշակերտների շուրջ 58 % -ը հայտնել է, որ PISA 2025 – ի թեստից նախորդող 2 շաբաթում առնվազն մեկ օր բացակայել է դպրոցից։ ՏՀԶԿ երկրներում, ըստ զեկույցի, միջինում 100 աշակերտից միայն 22 – ն է այդ երկու շաբաթում առնվազն մեկ օր բացակայել դպրոցից, Հայաստանում՝ 58 – ը։

ՏՀԶԿ-ի տվյալներով՝ նույն ժամանակահատվածում Հայաստանի աշակերտների 59 % -ը հայտնել է, որ բաց է թողել առնվազն մեկ դաս, մինչդեռ ՏՀԶԿ երկրներում այդ ցուցանիշը միջինում 24 % է։ Միաժամանակ, Հայաստանի աշակերտների 54 % -ը նշել է, որ դասերից ուշացել է։ ՏՀԶԿ երկրներում միջին ցուցանիշը 50 % է։

PISA 2025 – ի տվյալները ցույց են տալիս, որ Հայաստանի աշակերտների մեծ մասը ծնողների կամ խնամակալների հետ քննարկում է դպրոցական առօրյային վերաբերող հարցեր։ 72 % -ը հայտնել է, որ ծնողները կամ խնամակալները առնվազն շաբաթը մեկ անգամ հարցնում են, թե ինչ է նա արել դպրոցում։ Իսկ 59 % -ը նշել է, որ ծնողների կամ խնամակալների հետ առնվազն շաբաթը մեկ անգամ քննարկում է դպրոցում ունեցած խնդիրները։

Հայաստանը PISA-ին մասնակցել է առաջին անգամ։ Գնահատումը չափում է 15 -ամյա աշակերտների գիտելիքներն ու հմտությունները ընթերցանության, մաթեմատիկայի և բնագիտության ոլորտներում։