Լուսանկարը՝ Guardian-ի
1.8 միլիոն անդամ ունեցող ԱՄՆ-ի Ուսուցիչների Ֆեդերացիան Վաշինգտոնի դատարան հայց է ներկայացրել ընդդեմ ԱՄՆ կրթության դեպարտամենտի՝ պահանջելով վերականգնել ուսանողական վարկերի համակարգը:
Ուսուցիչների միությունը հայցադիմումի մեջ ներկայացրել է հիմնավորումներ դաշնային օրենքի խախտման վերաբերյալ: Վարկառուների հասանելիությունը մատչելի վճարումների ծրագիրը կասեցրել էր Իլոն Մասկի գլխավորած գործակալությունը:
ԱՄՆ-ի Ուսուցիչների Ֆեդերացիայի կայքը հրապարակել է կազմակերպության նախագահ Ռանդի Վեյնգարթենի հայտարարությունը: Նա ասել է. «Նոր վարչակազմը փաստացի սառեցրել է ուսանողական վարկերի համակարգը՝ ավելի դժվարացնելով աշխատողների կյանքը: Այս որոշումը վերաբերում է միլիոնավոր ուսանողների, որոնք ուսման վարկեր են վերցրել: Նախորդ նախագահը փորձեց հանուն 45 միլիոն ամերիկացիների շտկել այս համակարգը, բայց նոր նախագահը կրկին խարխլում է այն»:
Կրթության դեպարտամենը 3 շաբաթ առաջ էր պաշտոնական կայքից հեռացրել եկամտի հիման վրա վարկերի մարում ծրագրի դիմումի ձևը՝ վարկային սպասարկողներին կարգադրելով դադարեցնել դիմումների մշակումը:
Նոր մեկնաբանություն