Եթե 2005 թվականին բրիտանական հարցման մասնակիցների 14%-ն էր նշել, որ համալսարանական կրթությունը չի արդարացնում ծախսված ժամանակն ու գումարը, 2025-ին այդ կարծիքն ունեցողների թիվը ավելի քան կրկնապատկվել է ու հասել 34%-ի։

Միաժամանակ կտրուկ նվազել է նաև այն մարդկանց թիվը, ովքեր հավատում են, որ համալսարան ավարտածները ֆինանսապես շատ ավելի լավ վիճակում կհայտնվեն, քան նրանք, ովքեր չեն սովորել բուհում․ այս ցուցանիշը 50%-ից իջել է մինչև 36%։

Մեծ Բրիտանիայում բարձրագույն կրթությունը մեծ փոփոխությունների է ենթարկվել 1983 թվականի առաջին հարցումից ի վեր։ Այդ ժամանակ դպրոցն ավարտողների միայն 6%ն էր ընդունվում համալսարան։ Մինչև 2025 թվականը այդ ցուցանիշը հասել է 36%-ի, և այժմ ավելի քան 2 միլիոն տեղացի ուսանող է սովորում բուհերում։ Սա նշանակում է, որ ավելի շատ շրջանավարտներ են աշխատանք փնտրում։

Միևնույն ժամանակ, ավելի բարձր է ուսման վարձը։

Երբ 1998 թվականին ուսման վարձեր սահմանվեցին, դրանք կազմում էին տարեկան 1,000 ֆունտ ստեռլինգ։ Այժմ Բրիտանիայում սովորող ուսանողները վճարում են տարեկան մինչև 9 535 ֆունտ, չհաշված կեցության ծախսերը։ Հարցման համաձայն՝ երիտասարդ շրջանավարտները, որոնք արդեն ուսանել են վճարովի համակարգում, հասկանալիորեն ավելի հիասթափված են, քան նրանք, ովքեր չեն վճարել ուսման համար։