«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ Guardian-ի կայքից
Բրիտանացի երիտասարդները Բրեքսիթից հետո առաջին անգամ կրկին հնարավորություն կունենան մասնակցելու ԵՄ «Էրազմուս» ծրագրին․ կառավարությունը հայտարարել է ծրագրին վերամիանալու մասին՝ 570 միլիոն ֆունտ ստերլինգ (763.8 միլիոն դոլար) արժողությամբ համաձայնագրով։ Տեղեկությունը հրապարակել է բրիտանական «Գարդիան» պարբերականը։
«Էրազմուս+»-ը 2027 թվականից կրկին հասանելի կլինի կրթության, մասնագիտական ուսուցման, մշակույթի և սպորտի ոլորտներում ներգրավված անձանց համար։ Որոշումը կայացվել է Լոնդոնի և Բրյուսելի միջև բանակցություններից հետո՝ ի կատարումն Լեյբորիստական կուսակցության նախընտրական խոստման։
Մեծ Բրիտանիայի կառավարությունը հայտնել է, որ ծրագրի առաջին տարում դրանից կարող է օգտվել մինչև 100 հազար մարդ՝ անկախ տարիքից։ Ծրագիրը նոր կրթական և ուսումնական հնարավորություններ կստեղծի բրիտանացի աշկերտների, քոլեջների ուսանողների, մեծահասակ սովորողների և համալսարանականների համար։
«Շատ լավ օր»
Մասնագիտական հմտությունների նախարար Ջեքի Սմիթը հայտարարել է, որ այս որոշումը «շատ լավ օր է» երկրի երիտասարդների համար և ցույց է տալիս ԵՄ-ի հետ հարաբերությունների վերականգնման քաղաքականության առավելությունները։ Նրա խոսքով՝ 570 միլիոն ֆունտը նոր ֆինանսավորում է գանձապետարանից և չի կրճատում Կրթության նախարարության գործող բյուջեն։ Գումարի մեջ ներառված է նաև ԵՄ-ի հետ համաձայնեցված 30 տոկոս զեղչ՝ հաշվի առնելով Մեծ Բրիտանիայի բարձր գրավչությունը որպես ընդունող երկիր։
Քոլեջների ասոցիացիայի գործադիր տնօրեն Դևիդ Հյուզը հայտարարությունը որակել է «փայլուն նորություն»՝ ընդգծելով, որ ծրագիրը լայնացնում է ուսանողների աշխարհայացքը և հնարավորություն է տալիս ուսուցիչներին սովորել այլ երկրների փորձից։
«Միջոցների վատնում»
Ընդդիմադիր Պահպանողական կուսակցության ներկայացուցիչ Փրիթի Փաթելը քննադատել է որոշումը՝ կառավարությանը մեղադրելով հարկատուների միջոցները «միլիարդներով վատնելու» մեջ՝ Բրեքսիթից հետո ստեղծված այլ տնտեսական հնարավորությունների փոխարեն։
«Էրազմուս» ծրագիրը մեկնարկել է 1987 թվականին՝ որպես համալսարանական փոխանակման նախաձեռնություն։ Տարիների ընթացքում ընդլայնվել է՝ ներառելով նաև աշխատանքային փորձ, մասնագիտական վերապատրաստում, դպրոցական այցեր և մշակութային ծրագրեր։ Մեծ Բրիտանիան դուրս էր եկել ծրագրից 2020 թվականին, իսկ դրանից հետո Հյուսիսային Իռլանդիայի որոշ ուսանողներ մասնակցել էին ծրագրին Իռլանդիայի կառավարության աջակցությամբ։
Բաժիններ
Լուսանկարը՝ Guardian-ի կայքից
Բրիտանացի երիտասարդները Բրեքսիթից հետո առաջին անգամ կրկին հնարավորություն կունենան մասնակցելու ԵՄ «Էրազմուս» ծրագրին․ կառավարությունը հայտարարել է ծրագրին վերամիանալու մասին՝ 570 միլիոն ֆունտ ստերլինգ (763.8 միլիոն դոլար) արժողությամբ համաձայնագրով։ Տեղեկությունը հրապարակել է բրիտանական «Գարդիան» պարբերականը։
«Էրազմուս+»-ը 2027 թվականից կրկին հասանելի կլինի կրթության, մասնագիտական ուսուցման, մշակույթի և սպորտի ոլորտներում ներգրավված անձանց համար։ Որոշումը կայացվել է Լոնդոնի և Բրյուսելի միջև բանակցություններից հետո՝ ի կատարումն Լեյբորիստական կուսակցության նախընտրական խոստման։
Մեծ Բրիտանիայի կառավարությունը հայտնել է, որ ծրագրի առաջին տարում դրանից կարող է օգտվել մինչև 100 հազար մարդ՝ անկախ տարիքից։ Ծրագիրը նոր կրթական և ուսումնական հնարավորություններ կստեղծի բրիտանացի աշկերտների, քոլեջների ուսանողների, մեծահասակ սովորողների և համալսարանականների համար։
«Շատ լավ օր»
Մասնագիտական հմտությունների նախարար Ջեքի Սմիթը հայտարարել է, որ այս որոշումը «շատ լավ օր է» երկրի երիտասարդների համար և ցույց է տալիս ԵՄ-ի հետ հարաբերությունների վերականգնման քաղաքականության առավելությունները։ Նրա խոսքով՝ 570 միլիոն ֆունտը նոր ֆինանսավորում է գանձապետարանից և չի կրճատում Կրթության նախարարության գործող բյուջեն։ Գումարի մեջ ներառված է նաև ԵՄ-ի հետ համաձայնեցված 30 տոկոս զեղչ՝ հաշվի առնելով Մեծ Բրիտանիայի բարձր գրավչությունը որպես ընդունող երկիր։
Քոլեջների ասոցիացիայի գործադիր տնօրեն Դևիդ Հյուզը հայտարարությունը որակել է «փայլուն նորություն»՝ ընդգծելով, որ ծրագիրը լայնացնում է ուսանողների աշխարհայացքը և հնարավորություն է տալիս ուսուցիչներին սովորել այլ երկրների փորձից։
«Միջոցների վատնում»
Ընդդիմադիր Պահպանողական կուսակցության ներկայացուցիչ Փրիթի Փաթելը քննադատել է որոշումը՝ կառավարությանը մեղադրելով հարկատուների միջոցները «միլիարդներով վատնելու» մեջ՝ Բրեքսիթից հետո ստեղծված այլ տնտեսական հնարավորությունների փոխարեն։
«Էրազմուս» ծրագիրը մեկնարկել է 1987 թվականին՝ որպես համալսարանական փոխանակման նախաձեռնություն։ Տարիների ընթացքում ընդլայնվել է՝ ներառելով նաև աշխատանքային փորձ, մասնագիտական վերապատրաստում, դպրոցական այցեր և մշակութային ծրագրեր։ Մեծ Բրիտանիան դուրս էր եկել ծրագրից 2020 թվականին, իսկ դրանից հետո Հյուսիսային Իռլանդիայի որոշ ուսանողներ մասնակցել էին ծրագրին Իռլանդիայի կառավարության աջակցությամբ։