«Մեդիա հանուն կրթության» ՀԿ-ն Ձեզ հրավիրում է միանալու մեդիայի միջոցով կրթության ոլորտի փոփոխություններին նպաստելու առաքելությանը։
Մեր նպատակն է ապրել մեր նախահայրերի ժառանգած այնպիսի երկրում, որտեղ յուրաքանչյուր անհատի հասանելի կլինի որակյալ կրթությունը և անհատի ողջ ներուժը հանուն պետության ներդնելու հնարավորությունը:
Ձեր աջակցությունն ու ներգրավվածությունն անչափ կարևոր է էական փոփոխությունների հարցում:
«Մեդիա հանուն կրթության» ՀԿ ծրագրերին Ֆինանսապես աջակցելու համար խնդրում ենք լրացնել բոլոր դաշտերը։
Շնորհակալություն!
Լուսանկարը՝ Եղիշե Չարենցի տուն- թանգարանի
Շուրջ 300 000 դպրոցական այցելել է թանգարաններ և թատրոններ բաժանորդային ծրագրով. այս ցուցանիշը 46%-ով ավելի է նախորդ տարվա նույն ցուցանիշից և ընդգրկում է դպրոցակաների 70%-ը։ Ամփոփելով 2024 թ. կատարած աշխատանքը՝ այսօր այս տեղեկությունը հրապարակել է ԿԳՄՍ նախարար Ժաննա Անդրեասյանը:
Նախարարը հիշեցրել է, որ 2024-ը հայտարարվել էր մշակութային կրթության տարի։
«Բավականին մեծ աշխատանք է տարվել, որ դպրոցականները ավելի հաճախ այցելեն թանգարաններ, թատրոններ, համերգասրահներ, ընդ որում՝ ոչ միայն ժամանցի, այլև կրթական ծրագրի մասով»։
Նախարարի խոսքով՝ 2024թ․-ին իրականացվել է 21 ծրագիր նախորդ տարվա 18 -ի փոխարեն։ Ծրագրերին մասնակցել են ավելի քան 31 000 երեխա։
«Հատուկ ուշադրություն է դարձվել ներառականության ապահովմանը՝ իրականացնելով 7 թիրախային ծրագրեր, որոնց մասնակցել է 1800 երեխա՝ 30%-ով ավելի՝ նախորդ տարվա համեմատ»,- ասել է նախարարը։
