ԿԳՄՍ նախարարությունը շրջաբերական է ուղարկել Երևանի քաղաքապետարանին և ՀՀ մարզպետարաններին՝ առաջարկելով հանրակրթական դպրոցներին հանձնարարել ավարտական դասարանների «Վերջին դաս» միջոցառումներն անցկացնել մշակութային կրթության տարվա շրջանակում:

Գրության մեջ նշվում է, որ 2024-2025 ուսումնական տարին հայտարարվել է մշակութային կրթության տարի, և այդ համատեքստում ակնկալվում է, որ դպրոցներում «Վերջին դաս» միջոցառումները կկազմակերպվեն կրթամշակութային բովանդակությամբ:

Մշակութային վերջին զանգի կազմակերպումը խրախուսելու նպատակով նախարարությունը նախատեսում է «մրցույթի» անցկացում:

«Կձևավորվի ժյուրի, որի ընտրած լավագույն միջոցառումները կազմակերպած դպրոցները կպարգևատրվեն»,- ընդգծում է ԿԳՄՍ նախարարությունը՝ տեղեկացնելով, որ շրջաբերական գրությամբ շեշտվում է, որ վերոնշյալ միջոցառումների կազմակերպման ընթացքում պետք է բացառել պարտադրված դրամահավաքը:

«Վերջին զանգի միջոցառումների կազմակերպման շրջանակում անհրաժեշտ է բացառել դրամահավաքությունը, այդ թվում նաև ծնողների նախաձեռնությամբ կազմակերպված՝ ուղղված սցենարին, լուսանկարահանմանն ու տեսանկարահանմանը, դպրոցների և դասարանների ձևավորմանը, հագուստներին, ավարտական երեկոյին և նվերներին»,- մասնավորապես նշվում է շրջաբերականում:

Նույնաբովանդակ գրություն է ուղարկվել նաև ԿԳՄՍ նախարարության ենթակայությամբ գործող հանրակրթական ուսումնական հաստատությունների և ոչ պետական դպրոցների տնօրեններին:

Պարտադրված դրամահավաքների դեպքում ծնողները կարող են զանգահարել ԿԳՄՍ նախարարության թեժ գծին՝ 010-599-600 հեռախոսահամարով:

ԿԳՄՍ նախարարությունը շրջաբերական է ուղարկել Երևանի քաղաքապետարանին և ՀՀ մարզպետարաններին՝ առաջարկելով հանրակրթական դպրոցներին հանձնարարել ավարտական դասարանների «Վերջին դաս» միջոցառումներն անցկացնել մշակութային կրթության տարվա շրջանակում:

Գրության մեջ նշվում է, որ 2024-2025 ուսումնական տարին հայտարարվել է մշակութային կրթության տարի, և այդ համատեքստում ակնկալվում է, որ դպրոցներում «Վերջին դաս» միջոցառումները կկազմակերպվեն կրթամշակութային բովանդակությամբ:

Մշակութային վերջին զանգի կազմակերպումը խրախուսելու նպատակով նախարարությունը նախատեսում է «մրցույթի» անցկացում:

«Կձևավորվի ժյուրի, որի ընտրած լավագույն միջոցառումները կազմակերպած դպրոցները կպարգևատրվեն»,- ընդգծում է ԿԳՄՍ նախարարությունը՝ տեղեկացնելով, որ շրջաբերական գրությամբ շեշտվում է, որ վերոնշյալ միջոցառումների կազմակերպման ընթացքում պետք է բացառել պարտադրված դրամահավաքը:

«Վերջին զանգի միջոցառումների կազմակերպման շրջանակում անհրաժեշտ է բացառել դրամահավաքությունը, այդ թվում նաև ծնողների նախաձեռնությամբ կազմակերպված՝ ուղղված սցենարին, լուսանկարահանմանն ու տեսանկարահանմանը, դպրոցների և դասարանների ձևավորմանը, հագուստներին, ավարտական երեկոյին և նվերներին»,- մասնավորապես նշվում է շրջաբերականում:

Նույնաբովանդակ գրություն է ուղարկվել նաև ԿԳՄՍ նախարարության ենթակայությամբ գործող հանրակրթական ուսումնական հաստատությունների և ոչ պետական դպրոցների տնօրեններին:

Պարտադրված դրամահավաքների դեպքում ծնողները կարող են զանգահարել ԿԳՄՍ նախարարության թեժ գծին՝ 010-599-600 հեռախոսահամարով: