Կրթության փորձագետ, ԵՊՀ դասախոս Սերոբ Խաչատրյանը mediaforedu.am-ի հետ զրույցում դժգոհել է ՀՀ պետական բյուջեից կրթությանը հատկացվող ֆինանսական միջոցների չափից: Փորձագետը գնահատականներ տալիս հաշվի է առել կրթութան ֆինանսավորման միջազգային  չափանիշները:

Լիլիթ Հարությունյանի հետ զրույցում Սերոբ Խաչատրյանն ասել է. «Կրթության վիճակը ընդհանուր առմամբ վատ է, երբ որ նայում ենք թե համախառն արդյունքի որ տոկոսն է հատկացվել կրթությանը, այստեղ մեր ցուցանիշները շարունակում են մնալ խայտառակ ցածր, որովհետև միջազգային կազմակերպությունները բազմիցս հայտարարել են, որ համախառն ներքին արդյունքի առնվազն 3 տոկոսը պետք է հատկացվի կրթությանը։

Մեզ մոտ 2021-2022 թվականներին այդ ցուցանիշը եղել է 1․9 տոկոս, որը խայտառակ ցուցանիշ է: Այնուհետև աճել է՝ 2․4, 2․5։ 2025 թվականին նախատեսված է համախառն ներքին արդյունքի 2․7 տոկոսը, բայց երբ նայում ենք միջնաժամկետ ծախսային ծրագրերը, որոնք պլանավորում են 2026-2027 թվականները, տեսնում ենք որ այդ ցուցանիշները նախատեսվում է նորից իջացնել։

Այսինքն 2․7 չի մնալու և նորից իջնելու է 2․5, 2․4, սա շատ վատ է։ Նաև նշեմ որ առաջիկայում նախատեսվում է՝ ըստ միջնաժամկետ ծախսային ծրագրի այդ ցուցանիշը իջեցնել 2․4 %, 2․5 %մակարդակի։