Խոսքի ազատության պաշտպանության կոմիտեն արձանագրում է ԿԳՄՍ նախարարության և ԿՏԱԿ-ի պատասխաններով արտահայտված խախտումները:

2024 թ. նոյեմբերի 12-ից mediaforedu.am-ը էլեկտրոնային ատեստավորման ժամանակ ի հայտ եկած խնդրի վերաբերյալ 4 հարցում է ուղարկել ԿԳՄՍՆ-ին, 1-ը` ԿՏԱԿ-ին: Հայաստանում առաջին անգամ անցկացված ուսուցիչների՝ էլեկտրոնային եղանակով կամավոր ատեստավորման ժամանակ արձանագրված տեխնիկական խնդրի վերաբերյալ ԿԳՄՍ նախարարությունը և ԿՏԱԿ-ը տվել են ոչ ամբողջական, ոչ համարժեք, ոչ ճշգրիտ, անգամ՝ իրարամերժ պատասխաններ:

mediaforedu.am-ը նախարարությունից և ԿՏԱԿ-ից ստացած պատասխանների տեքստերում արձանագրել է «Տեղեկատվության ազատության մասին» ՀՀ օրենքի դրույթների տարատեսակ խախտումներ:

Մեդիայի հետ շփման նման գործելաոճը քննարկվել է Խոսքի ազատության պաշտպանության կոմիտեի նախագահ Աշոտ Մելիքյանի և ՄՀԿ համահիմնադիր, ուսուցիչ Նելլի Հայրապետյանի հետ:

Հեղինակ՝ Անուշ Մարտիրոսյան