Լուսանկարը՝ ՄՀԿ-ի
Հանրակրթական դպրոցներում տարիներ շարունակ ազգային երգուպարի ներդրման նպատակով պետբյուջեից ծախսվել է տարեկան 7,7 մլն. դրամ: 2021-2024 թվականներին առարկայի դասավանդման համար վերապատրաստվել է 260 ուսուցիչ (մոտ 1400 դպրոցի պարագայում): Հիմա այս առարկան ընդգրկված է արվեստներ և արհեստներ առարկայախմբի մեջ: Որքանո՞վ կարող է տրամաբանված համարվել երգը, պարը, կերպարվեստը, թատրոնը, դեկորատիվ կիրառական արվեստը միաժամանակ մեկ ընդհանուր առարկայախմբի շրջանակներում դասավանդելը:
«Փոխանակ թացը չորից զատենք գոնե ուսումնական պրոցեսի ժամանակ, մենք ընդհակառակը՝ բերել-խառնել ենք իրար, դարձրել մի կալամբուր… Ես, որպես պարի մարդ, արվեստի մարդ, հասկանում եմ, որ էդքանը մի տեղ դասավանդել հնարավոր չէ, և դրա մասնագետը չկա, և որևէ տեղ չեն պատրաստում այդ մասնագետներին»,- Լիլիթ Հարությունյանի հետ զրույցում գնահատել է Հայկական պետական մանկավարժական համալսարանի պարարվեստի մանկավարժության և դասավանդման մեթոդիկայի ամբիոնի դոցենտ, պարուսույց Սուրեն Խաչատրյանը: Զրույցին մասնակցել է նաև տնտեսագետ Էլենա Հարությունյանը:
Նոր մեկնաբանություն